പെട്രോൾ വിലയിൽ വീണ്ടും വർധന

രാജ്യത്ത് പെട്രോൾ വില വീണ്ടും വർധിച്ചു. 14 പൈസയാണ് പെട്രോളിന് വർധിച്ചത്. ഇതോടെ കൊച്ചിയിലെ ഇന്നത്തെ പെട്രോൾ വില 81 രൂപ 59 പൈസയായി.

കഴിഞ്ഞ 10 ദിവസത്തിനിടെ പെട്രോളിന് വർധിച്ചത് 54 പൈസയാണ്. 81.75 രൂപയാണ് കോഴിക്കോട് ഒരു ലിറ്റർ പെട്രോളിന്റെ വില. ഡീസൽ വില 77 രൂപ 50 പൈസയിൽ മാറ്റമില്ലതെ തുടരുകയാണ്.

മൂന്നു ദിവസംകൊണ്ട് ഡൽഹിയിൽ പെട്രോൾ വില 45 പൈസകൂടി 81.35 രൂപയായി. മുംബൈയിൽ ലിറ്ററിന് 88.02 രൂപയും ഹൈദരാബാദിൽ 84.55 രൂപയും ചെന്നൈയിൽ 84.40 രൂപയും ബെംഗളുരുവിൽ 83.99 രൂപയും കൊൽക്കത്തയിൽ 82.87 രൂപയുമാണ് പെട്രോൾ വില.

Story Highlights – petrol hike india