Advertisement

തദ്ദേശ തെരഞ്ഞെടുപ്പും സര്‍ക്കാരിനെതിരായ തുടര്‍ സമരങ്ങളും; യുഡിഎഫ് നേതൃയോഗം ഇന്ന് കൊച്ചിയില്‍

October 23, 2020
1 minute Read
വാർത്തകൾ നോട്ടിഫിക്കേഷൻ ആയി ലഭിക്കാൻ ഇവിടെ ക്ലിക്ക് ചെയ്യുക

തദ്ദേശ തെരഞ്ഞെടുപ്പും സര്‍ക്കാരിനെതിരായ തുടര്‍ സമരങ്ങളും ചര്‍ച്ച ചെയ്യാന്‍ യുഡിഎഫ് നേതൃയോഗം ഇന്ന് കൊച്ചിയില്‍ നടക്കും. തെരഞ്ഞെടുപ്പ് ഒരുക്കങ്ങളും സീറ്റ് ചര്‍ച്ചയുമാണ് പ്രധാന അജണ്ട. ഇതോടൊപ്പം കേരളാ കോണ്‍ഗ്രസ് ജോസ് കെ.മാണി വിഭാഗം മുന്നണി വിട്ടു പോയതിന് പിന്നാലെയുള്ള രാഷ്ട്രീയ സാഹചര്യം വിലയിരുത്തും.

തദ്ദേശ തെരഞ്ഞെടുപ്പില്‍ ജമാഅത്തെ ഇസ്ലാമിയുമായി ധാരണയിലെത്താനുള്ള നീക്കങ്ങള്‍ യോഗത്തില്‍ തര്‍ക്കത്തിന് കാരണമായേക്കും. യുഡിഎഫ് കണ്‍വീനറായി നിയമിതനായ ശേഷം എം.എം. ഹസന്‍, ജമാ അത്തെ ഇസ്ലാമി അമീര്‍ എം.ഐ. അബ്ദുള്‍ അസീസിനെ സന്ദര്‍ശിച്ചത് വിവാദത്തിന് വഴിവച്ചിരുന്നു.

ഇതോടൊപ്പം നിയമസഭാ തെരഞ്ഞെടുപ്പില്‍ ആറ് സീറ്റ് അധികം വേണമെന്ന മുസ്ലീം ലീഗിന്റെ ആവശ്യവും യോഗം ചര്‍ച്ച ചെയ്‌തേക്കും. തദ്ദേശ തെരഞ്ഞെടുപ്പ് ഒരുക്കങ്ങള്‍ക്കായി അടുത്ത മാസം നാലു മുതല്‍ 10 വരെ ജില്ലാ നേതൃയോഗങ്ങള്‍ വിളിച്ചിട്ടുണ്ട്. ഇതില്‍ പ്രതിപക്ഷ നേതാവ് ഉള്‍പ്പെടെ സംസ്ഥാന നേതാക്കള്‍ പങ്കെടുക്കണമെന്നാണ് യുഡിഎഫ് നിര്‍ദ്ദേശം.

Story Highlights UDF meeting

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement