തമിഴ് സീരിയൽ നടന്റെ മരണം; ഒരാൾ പിടിയിൽ

തമിഴ് സീരിയൽ നടൻ സെൽവരത്‌നത്തെ കൊലപ്പെടുത്തിയ കേസിൽ ഒരാൾ പിടിയിൽ. ഗിരിനഗർ സ്വദേശി വിജയ കുമാറാണ് അറസ്റ്റിലായത്.

വിജയകുമാറിന്റെ ഭാര്യയും നടനും തമ്മിൽ അടുപ്പത്തിലായിരുന്നുവെന്നും ഇതിനെ തുടർന്നാണ് നടനെ കൊലപ്പെടുത്തിയതെന്നും പൊലീസ് വ്യക്തമാക്കുന്നു. ആക്രമണത്തിന്റെ സിസിടിവി ദൃശ്യങ്ങളിൽ വിജയകുമാറിന്റെ സാന്നിധ്യമുണ്ടെന്നും പൊലീസ് പറഞ്ഞു.

കഴിഞ്ഞ ഞായറാഴ്ചയാണ് സെൽവ രത്‌നത്തെ അജ്ഞാത സംഘം വെട്ടികൊന്നത്. പുലർച്ചെ ഫോൺ കോൾ വന്നതിനെ തുടർന്ന് പുറത്തേക്ക് പോയ താരം എംജിആർ നഗറിൽ വച്ച് ആക്രമിക്കപ്പെടുകയായിരുന്നു. വിജയകുമാറും സെൽവ രത്‌നവും ശ്രീലങ്കൻ അഭയാർത്ഥികളാണ്. പത്ത് വർഷമായി സിനിമ സീരിയൽ രംഗത്ത് സജീവമാണ് സെൽവ രത്‌നം.

Story Highlights – Tamil serial actor dies; One arrested