സുപ്രിംകോടതി ചീഫ് ജസ്റ്റിസിന്റെ അമ്മയെ കബളിപ്പിച്ച് രണ്ടരക്കോടി തട്ടി; മേൽനോട്ടക്കാരൻ അറസ്റ്റിൽ

സു​പ്രിം​കോ​ട​തി ചീ​ഫ് ജ​സ്റ്റിസ് എ​സ്.​എ. ബോ​ബ്ഡെ​യു​ടെ അ​മ്മ​യെ ക​ബ​ളി​പ്പി​ച്ച് ര​ണ്ട​ര​ക്കോടി രൂ​പ ത​ട്ടി​യെ​ടു​ത്ത മേൽനോട്ടക്കാരൻ അറസ്റ്റിൽ. ബോബ്ഡെ കുടുംബത്തിന്റെ വി​ശ്വ​സ്ത​നാ​യി ജോ​ലി നോ​ക്കു​ന്ന ത​പ​സ് ഘോ​ഷ് (49) ആ​ണ് പി​ടി​യി​ലാ​യ​ത്. ഇ​യാ​ളെ സാ​മ്പത്തിക കു​റ്റ​കൃ​ത്യ​ങ്ങ​ൾ അ​ന്വേ​ഷി​ക്കു​ന്ന സം​ഘ​ത്തി​ന് കൈ​മാ​റി.

സി​വി​ൽ ലൈ​ൻ​സി​ൽ ആ​കാ​ശവാണി സ്ക്വ​യ​റി​ലു​ള്ള സീ​സ​ണ്‍​സ് ലോ​ണ്‍ ബോ​ബ്ഡെ കു​ടും​ബ​ത്തി​ന്റേതാണ്. ബോബ്ഡെയുടെ അമ്മ മുക്ത ബോബ്ഡെയുടെ ഉടമസ്ഥതയിലാണ് സ്ഥാപനം. ക​ല്യാ​ണം, റി​സ​പ്ഷ​നു​ക​ൾ തു​ട​ങ്ങി​യ പ​രി​പാ​ടി​ക​ൾ​ക്ക് ഇ​വി​ടം വാ​ട​ക​യ്ക്കു ന​ൽ​കാ​റു​ണ്ട്. തപസ് ഘോഷായിരുന്നു ഇതിന്റെ കാര്യങ്ങൾ നോക്കിയിരുന്നത്.‌‌ ഇതിനിടെ പല തവണ തപസ് ഘോഷ് പണം തട്ടിച്ചു. ഇത് ബോധ്യപ്പെട്ട മുക്ത ബോബ്ഡെ സാമ്പത്തിക വഞ്ചനയ്ക്ക് പരാതി നൽകുകയായിരുന്നു. തുടർന്ന് നടത്തിയ അന്വേഷണത്തിൽ മൂന്ന് വർഷത്തിനിടെ തപസ് ഘോഷ് 2.5 കോടി രൂപ തട്ടിച്ചതായി ബോധ്യപ്പെട്ടു. തുടർന്നാണ് ഇയാളെ അറസ്റ്റ് ചെയ്തത്.

Story Highlights – Business manager bobde’s mother of Rs 2.5 crore