കിം കി ഡുക്കിന്റെ വിയോ​ഗം വ്യക്തിപരമായ നഷ്ടം: ഡോ.ബിജു ട്വന്റിഫോറിനോട്

kim ki duk demise a personal loss says dr.biju

വളരെ വ്യക്തിപരമായ അടുപ്പമുള്ള വ്യക്തിയായിരുന്നു കിം കി ഡുക്ക് എന്ന് സംവിധായകൻ ഡോ.ബിജു. അദ്ദേഹത്തിന്റെ വിയോ​ഗം വേദനിപ്പിക്കുന്നുവെന്നും ബിജു ട്വന്റിഫോറിനോട് പറഞ്ഞു.

‘ആരോ​ഗ്യ പ്രശ്നങ്ങളൊന്നും അദ്ദേഹത്തിന് അനുഭവപ്പെട്ടതായി തോന്നിയിരുന്നില്ല. അവസാനമായി ഞാൻ സംസാരിക്കുന്നത് ജൂണിലായിരുന്നു. അന്ന് രണ്ട് ചിത്രത്തിന്റെ പണിപ്പുരയിലായിരുന്നു എന്നാണ് പറഞ്ഞത്. അത്രയധികം കർമനിരതനായി, സജീവമായി സിനിമയുമായി മുന്നോട്ട് പോകുന്നതിനിടെ അദ്ദേഹത്തിന്റെ പെട്ടെന്നുള്ള വിയോ​ഗം വ്യക്തിപരമായ നഷ്ടമായാണ് കാണുന്നത്’- ഡോ.ബിജു ട്വന്റിഫോറിനോട് പറഞ്ഞു.

ഇന്ന് വൈകീട്ടോടെയാണ് കിം കി ഡുക്ക് അന്തരിച്ചുവെന്ന വാർത്ത പുറത്തുവരുന്നത്. കൊവിഡ് ബാധിച്ച് ആശുപത്രിയിൽ ചികിത്സയിലിരിക്കെയാണ് അന്ത്യം.

Read Also : ‘കിം കി ഡുക്കുമായി അന്ന് സംസാരിച്ചത് ആം​ഗ്യ ഭാഷയിൽ’: ദീദി ദാമോദരൻ

ലോകപ്രശസ്ത സിനിമാ സംവിധായകരിൽ ഒരാളായ കിംകി ഡുക്കിന് വെനീസ് ചലച്ചിത്ര മേളയിലെ ​ഗോൾഡൻ ലയൺ പുരസ്കാരമടക്കം നിരവധി വിഖ്യാത പുരസ്കാരങ്ങൾ ലഭിച്ചിട്ടുണ്ട്. ബെർലിൻ അന്താരാഷ്ട്ര ചലച്ചിത്ര മേളയിൽ സിൽവർബെയർ, കാൻസ് ചലച്ചിത്ര മേളയിലെ പുരസ്കാരങ്ങൾ എന്നിവ അവയിൽ ചിലത് മാത്രം. സമരിറ്റൻ ​ഗേൾ, ത്രീ അയേൺ, ടൈം, സ്പ്രിങ്, സമ്മർ, ഫാൾ, വിന്റർ… ആന്റ് സ്പ്രിങ് എന്നിവയാണ് അദ്ദേഹത്തിന്റെ പ്രധാന ചിത്രങ്ങൾ.

Story Highlights kim ki duk demise a personal loss says dr.biju

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top