കോൺ​ഗ്രസ് അധ്യക്ഷ സ്ഥാനത്തേയ്ക്ക് മത്സരിക്കുമെന്ന വാർത്ത തള്ളി ​ഗുലാം നബി ആസാദ്

കോൺഗ്രസ് അധ്യക്ഷ സ്ഥാനത്തേയ്ക്ക് മത്സരിക്കുമെന്ന വാർത്ത തള്ളി മുതിർന്ന നേതാവ് ഗുലാം നബി ആസാദ്. പാർട്ടി സ്ഥാനങ്ങൾ താൻ ആഗ്രഹിക്കുന്നില്ല. താനിപ്പോൾ സ്വതന്ത്രനാണ്. തന്നെ ഇനി എവിടേയും കാണാമെന്നും ​ഗുലാം നബി ആസാദ് പറഞ്ഞു.

പാർട്ടിയില്‍ എന്തെങ്കിലും സ്ഥാനം വഹിക്കണമെന്ന് താനാഗ്രഹിക്കുന്നില്ല. ലഭിച്ച അവസരങ്ങളിൽ സംതൃപ്തനാണ്. ജീവനുള്ള കാലത്തോളം താന്‍ പൊതുപ്രവർത്തന രംഗത്ത് തുടരും. കോൺ​ഗ്രസിനെ ശക്തിപ്പെടുത്താനാണ് തന്റെ തീരുമാനമെന്നും ​ഗുലാം നബി ആസാദ് വ്യക്തമാക്കി.