ആക്രമണത്തിൽ മമത ബാനർജിക്ക് പരുക്ക്; ആശുപത്രിയിലെന്ന് സഹോദര പുത്രൻ

Mamata Banerjee Has Injuries

നന്ദിഗ്രാമിൽ പ്രചരണത്തിനിടെയുണ്ടായ ആക്രമണത്തിൽ ബംഗാൾ മുഖ്യമന്ത്രി മമത ബാനർജിക്ക് പരുക്ക് പറ്റിയെന്ന് സഹോദര പുത്രനും എംപിയുമായ അഭിഷേക് ബാനർജി. മമത ആശുപത്രിയിൽ അഡ്മിറ്റാണെന്നും രണ്ട് ദിവസം നിരീക്ഷണത്തിൽ തുടരണമെന്ന് ഡോക്ടർമാർ അറിയിച്ചു എന്നും അഭിഷേക് ബാനർജി അറിയിച്ചു. ആശുപത്രിയിൽ അഡ്മിറ്റായ മമത ബാനർജിയുടെ ചിത്രം പങ്കുവച്ചുള്ള ട്വീറ്റിലാണ് അഭിഷേകിൻ്റെ വെളിപ്പെടുത്തൽ.

ഇടതുകാലിൽ പ്ലാസ്റ്റർ ഇട്ടുകൊണ്ടുള്ള മമതയുടെ ചിത്രമാണ് അഭിഷേക് പങ്കുവച്ചത്. ‘മെയ് 2 ഞായറാഴ്ച ബംഗാൾ ജനതയുടെ കരുത്ത് കണ്ടോളൂ ബിജെപി’ എന്ന കുറിപ്പടക്കമാണ് ചിത്രം. കൊൽക്കത്തയിലെ എസ് എസ് കെ എം ആശുപത്രിയിലാണ് മമതയെ അഡ്മിറ്റ് ചെയ്തിരിക്കുന്നത്. മമതയുടെ കാലിലും കഴുത്തിലും തോളിലും സാരമായ പരുക്കുണ്ടെന്ന് ആശുപത്രി അധികൃതർ വ്യക്തമാക്കി. കയ്യിലും ചെറിയ പരുക്കുണ്ട്. നേരിയ തോതിൽ പനിയും ശ്വാസം മുട്ടലും ഉണ്ട്.

മമതയ്ക്ക് പരുക്കേടതിൻ്റെ പശ്ചാത്തലത്തിൽ തൃണമൂൽ കോൺഗ്രസ് ഇന്ന് പ്രകടന പത്രിക പുറത്തിറക്കില്ല.

മമതാ ബാനർജിക്ക് നേരെയുണ്ടായ ആക്രമണത്തിൽ ബംഗാളിൽ വ്യാപക പ്രതിഷേധം നടന്നിരുന്നു. ആശുപത്രിയിൽ മമതയെ കാണാനെത്തിയ ഗവർണർ ജഗ്ദീപ് ദങ്കറിന് നേരെയും പ്രതിഷേധം ഉണ്ടായി.

Story Highlights – Mamata Banerjee Has Injuries, Under Watch For 2 Days

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Breaking News:
സംസ്ഥാനത്ത് നാളെ മുതൽ രാത്രികാല കർഫ്യു
കർഫ്യു രാത്രി 9 മുതൽ രാവിലെ 5 വരെ
മാളുകളും തീയറ്ററുകളും രാത്രി 7 വരെ മാത്രം
വർക്ക് ഫ്രം ഹോം നടപ്പിലാക്കും
സ്വകാര്യ ട്യൂഷൻ ഒഴിവാക്കും
Top