അസമില് ബിജെപി സ്ഥാനാര്ത്ഥിയുടെ കാറില് ഇവിഎം; തെരഞ്ഞെടുപ്പ് അട്ടിമറിച്ചെന്ന് കോണ്ഗ്രസ്
അസാമിലെ രണ്ടാംഘട്ട വോട്ടെടുപ്പില് ബിജെപി അട്ടിമറി നടത്തിയെന്ന ആരോപണവുമായി കോണ്ഗ്രസ്. പത്താര്കണ്ഡി മണ്ഡലത്തിലെ ബിജെപി സ്ഥാനാര്ത്ഥി കൃഷ്ണേന്ദു പോളിന്റെ കാറില് നിന്നും ഇന്നലെ രാത്രി ഇവിഎമ്മുകള് കണ്ടെത്തിയ പശ്ചാത്തലത്തിലാണ് ആരോപണം.
കൃത്രിമത്തിലൂടെ മാത്രമേ ബിജെപിക്കു ജയിക്കാനാകൂ എന്ന് മനസിലാക്കിയാണ് ഈ നീക്കങ്ങള് എന്ന് കോണ്ഗ്രസ് നേതാവ് ഗൗരവ് ഗൊഗോയ് ആരോപിച്ചു. ഇന്നലെ രാത്രിയാണ് ബിജെപി സ്ഥാനാര്ത്ഥിയുടെ കാറില് നിന്ന് ഇവിഎം മെഷീനുകള് കണ്ടെത്തിയത്. നാട്ടുകാരാണ് കാര് തടഞ്ഞുനിര്ത്തി കാറിന്റെ ഡിക്കിയില് നിന്ന് ഇവിഎം മെഷീനുകള് കണ്ടെത്തിയത്. നാട്ടുകാര് ഇതിന്റെ ദൃശ്യങ്ങള് പുറത്തുവിട്ടിട്ടുണ്ട്.
അട്ടിമറിയിലൂടെ മാത്രമേ ബിജെപിക്ക് അസമില് അധികാരത്തില് എത്താനാകൂ എന്ന് കരുതുന്നതിനാലാണ് ഇവിഎമ്മില് കൃത്രിമത്വം കാണിക്കുന്നതെന്നാണ് കോണ്ഗ്രസിന്റെ ആരോപണം. സംഭവത്തില് തെരഞ്ഞെടുപ്പ് കമ്മീഷന് പരാതി നല്കാനാണ് കോണ്ഗ്രസിന്റെ തീരുമാനം. ഇവിഎം മെഷീന് കാറില് നിന്ന് കണ്ടെത്തിയ സംഭവം പ്രചാരണ വിഷയമാക്കുന്നതിനും കോണ്ഗ്രസ് തീരുമാനിച്ചിട്ടുണ്ട്.
Story Highlights: EVMs Allegedly Found In BJP MLA’s Jeep
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here