നിയമസഭ കയ്യാങ്കളി കേസ്: മന്ത്രി വി. ശിവൻകുട്ടി അടക്കം ഏഴ് ഇടത് നേതാക്കൾ സുപ്രിംകോടതിയിൽ

നിയമസഭ കയ്യാങ്കളി കേസിൽ മന്ത്രി വി. ശിവൻകുട്ടി അടക്കം ഏഴ് ഇടത് നേതാക്കൾ സുപ്രിംകോടതിയിൽ അപ്പീൽ നൽകി. കേസ് പിൻവലിക്കാൻ അനുവദിക്കണമെന്നാവശ്യപ്പെട്ട് സംസ്ഥാന സർക്കാർ അപ്പീൽ നൽകിയതിന് പിന്നാലെയാണ് നേതാക്കളുടെ നീക്കം.

വി. ശിവൻകുട്ടിക്ക് പുറമേ മുൻമന്ത്രിമാരായ ഇ.പി. ജയരാജൻ, കെ.ടി. ജലീൽ തുടങ്ങിയവരാണ് കോടതിയെ സമീപിച്ചത്. ജസ്റ്റിസ് ഡി.വൈ. ചന്ദ്രചൂഡ് അധ്യക്ഷനായ മൂന്നംഗ ബെഞ്ച് സർക്കാരിന്റെ അടക്കം അപ്പീലുകൾ നാളെ പരിഗണിക്കും.

പൂട്ടിക്കിടന്ന ബാറുകൾ തുറക്കാൻ ധനമന്ത്രിയായിരുന്ന കെ.എം. മാണി ഒരുകോടി രൂപ കൈക്കൂലി വാങ്ങിയെന്നാരോപിച്ചാണ് ബജറ്റ് അവതരണത്തിന് ശ്രമിച്ച മാണിയെ തടയാൻ ഇടതുപക്ഷം സഭയ്ക്ക് അകത്തും പുറത്തും പ്രക്ഷോഭം സംഘടിപ്പിച്ചത്. മൈക്ക് മുതൽ കസേരകൾ വരെ നിരവധി സാധനങ്ങളാണ് നശിപ്പിച്ചത്. പ്രക്ഷോഭത്തിനിടെ പ്രതിപക്ഷ എം.എൽ.എ.മാർ സ്പീക്കറുടെ ഡയസിൽ അതിക്രമിച്ചു കടന്ന് കംപ്യൂട്ടറുകളും കസേരകളും തല്ലിത്തകർത്തിരുന്നു.

Story Highlights: lock down, covid 19