എഡു ഗാർസ്യ എടികെ വിട്ടെന്ന് റിപ്പോർട്ട്

സ്പാനിഷ് മധ്യനിര താരം എഡു ഗാർസ്യ എടികെ മോഹൻബഗാൻ വിട്ടെന്ന് റിപ്പോർട്ട്. എടികെ വിട്ടെങ്കിലും താരം ഐഎസ്എലിൽ തന്നെ തുടരുമെന്നാണ് സൂചന. ഐഎസ്എൽ അപ്ഡേറ്റുകൾ പിന്തുടരുന്ന മാധ്യമപ്രവർത്തകൻ മാർക്കസ് മെർഹുലാവോയാണ് ഇക്കാര്യം അറിയിച്ചത്. ഏത് ക്ലബിലേക്കാണ് ഗാർസ്യ കൂടുമാറുകയെന്ന് വ്യക്തമല്ല.

2017-18 സീസണിൽ ബെംഗളൂരു എഫ്സിക്കായി കളിച്ച ഈ അറ്റാക്കിംഗ് മിഡ്ഫീൽഡർ 2019-20 സീസണുകളിലാണ് എടികെയിലെത്തിയത്. സീസണിൽ ഗംഭീര പ്രകടനം നടത്തിയ താരം എടികെയുടെ കിരീടധാരണത്തിൽ നിർണായക പങ്കുവഹിച്ചിരുന്നു. 9 ഗോളുകളും 31കാരനായ താരം നേടി. കഴിഞ്ഞ സീസണിൽ പരുക്കേറ്റ താരം ആകെ 11 മത്സരങ്ങൾ മാത്രമാണ് കളിച്ചത്.

ഏത് ക്ലബിലേക്കെന്ന കൃത്യമായ സൂചന ലഭിച്ചിട്ടില്ലെങ്കിലും ഹൈദരാബാദ് എഫ്സിയിലേക്കാണ് ഗാർസ്യ കൂടുമാറിയിരിക്കുന്നതെന്നാണ് അഭ്യൂഹങ്ങൾ.

Story Highlights: edu garcia left atk mohunbagan