31
Jul 2021
Saturday

കരിപ്പൂര്‍ സ്വര്‍ണക്കടത്ത്; ചോദ്യം ചെയ്യലിന് ഹാജരാകില്ലെന്ന് അറിയിച്ച് മുഹമ്മദ് ഷാഫി

muhammad shafi

കരിപ്പൂര്‍ സ്വര്‍ണക്കള്ളക്കടത്ത് കേസില്‍ ഇന്ന് ചോദ്യംചെയ്യലിന് ഹാജരാവാന്‍ കഴിയില്ലെന്ന് ടി പി ചന്ദ്രശേഖരന്‍ വധക്കേസിലെ പ്രതി മുഹമ്മദ് ഷാഫി കസ്റ്റംസിനെ അറിയിച്ചു. കേസിലെ മുഖ്യപ്രതി അര്‍ജുന്‍ ആയങ്കിയുടെ മൊഴിയുടെ അടിസ്ഥാനത്തിലാണ് മുഹമ്മദ് ഷാഫിയെ കസ്റ്റംസ് ചോദ്യം ചെയ്യാന്‍ തീരുമാനിച്ചത്.

എന്നാല്‍ ആരോഗ്യപരമായ കാരണങ്ങളാല്‍ ഇന്ന് ഹാജരാവാന്‍ കഴിയില്ലെന്ന് മറുപടിയാണ് മുഹമ്മദ് ഷാഫി കസ്റ്റംസിന് നല്‍കിയത്. അതേസമയം അര്‍ജുന്‍ ആയങ്കിയെ വീണ്ടും കസ്റ്റഡിയിലെടുക്കാന്‍ കസ്റ്റംസ് ഒരുങ്ങി. മുഹമ്മദ് ഷാഫിയെയും കൊടി സുനിയേയും ചോദ്യം ചെയ്തതിന് ശേഷം ആയിരിക്കും കസ്റ്റഡി അപേക്ഷ നല്‍കുക.

അഭിഭാഷകരുമായി കസ്റ്റംസ് സൂപ്രണ്ട് കൂടിയാലോചന നടത്തി. അര്‍ജുനെ ഒരിക്കല്‍ കൂടി കസ്റ്റഡിയില്‍ കിട്ടിയാല്‍ മാത്രമേ അന്വേഷണം മുന്നോട്ടു കൊണ്ടുപോകാന്‍ കഴിയൂ എന്നാണ് കസ്റ്റംസിന്റെ വിലയിരുത്തല്‍.

Story Highlights: karipur gold smuggling, muhammed shafi

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top