24
Jul 2021
Saturday

കൗണ്ടി ക്രിക്കറ്റില്‍ അരങ്ങേറ്റം കുറിച്ച്‌ ഇന്ത്യന്‍ സ്പിന്നര്‍ ആര്‍ അശ്വിന്‍

കൗണ്ടി ക്രിക്കറ്റില്‍ അരങ്ങേറ്റം കുറിച്ച്‌ ഇന്ത്യന്‍ സ്പിന്നര്‍ ആര്‍ അശ്വിന്‍. ഇംഗ്ലണ്ടുമായുള്ള ടെസ്റ്റ് പരമ്പര അടുത്ത മാസം ആരംഭിക്കാനിരിക്കെ ഇംഗ്ലണ്ടിലെ സാഹചര്യം കൂടുതല്‍ മനസിലാക്കുന്നതിനായി കൗണ്ടില്‍ സറേക്കായി അശ്വിന്‍ ഇറങ്ങിയത്. മത്സരത്തിന്റെ ആദ്യ ദിനം ഒരു വിക്കറ്റും സറേക്കായി അശ്വിന്‍ വീഴ്ത്തി.

മത്സരത്തിലെ ആദ്യ ഓവര്‍ എറിഞ്ഞത് അശ്വിനായിരുന്നു. 11 വര്‍ഷത്തിന് ശേഷം ആദ്യമായാണ് ഒരു സ്പിന്നര്‍ കൗണ്ടി ക്രിക്കറ്റില്‍ ആദ്യ ഓവര്‍ എറിയുന്നത്. ഇതിന് മുൻപ് 2010ല്‍ ന്യൂസിലന്റിന്റെ ജീതന്‍ പട്ടേല്‍ ഈ നേട്ടത്തിലെത്തിയിരുന്നു.

ആദ്യ ദിനം 28 ഓവര്‍ പന്തെറിഞ്ഞ അശ്വിന്‍ അഞ്ച് മെയ്ഡനടക്കം 70 റണ്‍സ് വഴങ്ങി ഒരു വിക്കറ്റാണ് താരം വീഴ്ത്തിയത്. സോമര്‍സെറ്റിന്റെ മൂന്നാം നമ്പർ ബാറ്റ്സ്മാന്‍ ടോം ലമോന്‍ബിയെ (42) ക്ലീന്‍ബൗള്‍ഡ് ചെയ്താണ് അശ്വിന്‍ കൗണ്ടിയില്‍ തന്റെ ആദ്യ വിക്കറ്റ് നേട്ടം ആഘോഷിച്ചത്. അതേസമയം, അശ്വിന്‍ കൗണ്ടി കളിക്കുന്നത് ഇന്ത്യക്ക് ഏറെ ഗുണം ചെയ്യുമെന്നാണ് ക്രിക്കറ്റ് ലോകം വിലയിരുത്തുന്നത്.

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top