25
Jul 2021
Sunday

കൗണ്ടി ക്രിക്കറ്റിൽ 6 വിക്കറ്റ് നേട്ടവുമായി അശ്വിൻ

Ashwin six wicket County

കൗണ്ടി ക്രിക്കറ്റിൽ 6 വിക്കറ്റ് നേട്ടവുമായി ഇന്ത്യൻ സ്പിന്നർ ആർ അശ്വിൻ. സോമർസെറ്റിനെതിരെ സറേയ്ക്ക് വേണ്ടിയാണ് അശ്വിൻ്റെ പ്രകടനം. സോമർസെറ്റിൻ്റെ രണ്ടാം ഇന്നിംഗ്സിൽ വെറും 27 റൺസ് വഴങ്ങിയാണ് അശ്വിൻ 6 വിക്കറ്റ് വീഴ്ത്തിയത്. അശ്വിൻ്റെ തകർപ്പൻ പ്രകടനത്തിൽ സോമർസെറ്റ് രണ്ടാം ഇന്നിംഗ്സിൽ 69 റൺസ് എടുക്കുന്നതിനിടെ എല്ലാവരും പുറത്തായി.

ആദ്യ ഇന്നിംഗ്സിലും രണ്ടാം ഇന്നിംഗ്സിലും അശ്വിൻ തന്നെയാണ് സറേയുടെ ബൗളിംഗ് ഓപ്പൺ ചെയ്തത്. ആദ്യ ഇന്നിംഗ്സിൽ ഒരു വിക്കറ്റ് വീഴ്ത്തിയ താരം രണ്ടാം ഇന്നിംഗ്സിൽ സ്റ്റീവൻ ഡേവീസിനെ പുറത്താക്കിയാണ് വിക്കറ്റ് വേട്ട ആരംഭിച്ചത്. ടോം ലാമോൺബി, ജെയിംസ് ഹിൽഡ്റെത്ത്, ജോർജ് ബാർലെറ്റ്, റോളോഫ് വാൻ ഡെർ മെർവെ, ബെൻ ഗ്രീൻ എന്നിവരാണ് ഇന്ത്യൻ താരത്തിൻ്റെ ഇരയായി മടങ്ങിയത്. സോമർസെറ്റിൻ്റെ ബാക്കിയുള്ള 4 വിക്കറ്റുകൾ ഡാനിയൽ മോറിയാാർട്ടി വീഴ്ത്തി.

ആദ്യ ഇന്നിംഗ്സിൽ 429 റൺസെടുത്ത സോമർസെറ്റിനു മറുപടിയുമായി ഇറങ്ങിയ സറേ 240 റൺസ് മാത്രം എടുത്ത് പുറത്തായി. രണ്ടാം ഇന്നിംഗ്സിൽ 259 വിജയലക്ഷ്യവുമായി ഇറങ്ങിയ സറേ നിലവിൽ മൂന്ന് വിക്കറ്റ് നഷ്ടത്തിൽ 81 റൺസ് എടുത്തിട്ടുണ്ട്.

Story Highlights: R Ashwin bags six-wicket haul in County cricket

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top