എഎഫ്സി വനിതാ ക്ലബ് ചാമ്പ്യൻഷിപ്പ്; ഇന്ത്യയെ ഗോകുലം കേരള പ്രതിനിധീകരിക്കും

ഈ സീസണിലെ എഎഫ്സി വനിതാ ക്ലബ് ചാമ്പ്യൻഷിപ്പിൽ ഇന്ത്യയെ ഗോകുലം കേരള പ്രതിനിധീകരിക്കും. വനിതാ ലീഗ് മാറ്റിവച്ചതിനെ തുടർന്നാണ് നടപടി. ലീഗ് ചാമ്പ്യന്മാരാണ് സാധാരണ ഗതിയിൽ എഎഫ്സി വനിതാ ചാമ്പ്യൻഷിപ്പിൽ പങ്കെടുക്കുക. ലീഗ് മാറ്റിവച്ച സാഹചര്യത്തിൽ ഓൾ ഇന്ത്യ ഫുട്ബോൾ ഫെഡറേഷൻ ഗോകുലം കേരളയെ നിർദ്ദേശിക്കുകയായിരുന്നു. അവസാനം നടന്ന ലീഗിൽ ഗോകുലം കേരളയാണ് ചാമ്പ്യന്മാരായത്.

ഒഡീഷ്യയിലെ ഭുവനേശ്വറിലാണ് വനിതാ ലീഗിൻ്റെ അഞ്ചാം സീസൺ തീരുമാനിച്ചിരുന്നത്. കൊവിഡ് രണ്ടാം തരംഗം രൂക്ഷമായ സാഹചര്യത്തിൽ ലീഗ് മാറ്റിവെക്കുകയായിരുന്നു.

Story Highlights: Gokulam Kerala to represent India in AFC Women’s Club Championship