18
Oct 2021
Monday
Covid Updates

    ജമ്മു കശ്മീരിൽ ഭീകരാക്രമണം; മൂന്ന് പേർ കൊല്ലപ്പെട്ടു

    ജമ്മു കശ്മീരിൽ ഒരു മണിക്കൂറിനിടെ മൂന്നിടത്ത് ഭീകരാക്രമണം. ആക്രമണത്തിൽ മൂന്ന് പേർ കൊല്ലപ്പെട്ടു. ശ്രീ നഗറിലെ ലാൽ ബസാറിന് സമീപമാണ് ഭീകരാക്രമണം ഉണ്ടായത്. മൂന്നിടത്തും ആക്രമണത്തിനിരയായത് പ്രദേശവാസികളാണ്. ഭീകരർ പ്രദേശവാസികൾക്ക് നേരെ വെടിയുതിർക്കുകയായിരുന്നു. ഭീകരാക്രമണത്തെ തുടർന്ന് പ്രദേശത്ത് സുരക്ഷാ സേനയുടെ തെരച്ചിൽ തുടരുകയാണ്.

    തുടരെയുള്ള ഭീകരാക്രമണത്തിൽ ജമ്മുകശ്‍മീരിൽ മൂന്ന് ദിവസത്തിനിടെ അഞ്ച് പേരാണ് കൊല്ലപ്പെട്ടത്ത്. ഇന്ന് വൈകീട്ട് ആറ് മണി മുതൽ ഏഴ് മണി വരെയായിരുന്നു ഭീകരാക്രമണങ്ങൾ ഉണ്ടായത്. ശ്രീനഗറിലും ബന്ദിപോരയിലുമാണ് അക്രമണങ്ങൾ ഉണ്ടായത്.

    Read Also : ജമ്മുകശ്മീരില്‍ സൈന്യവും ഭീകരരും ഏറ്റുമുട്ടി; ഒരു ഭീകരനെ വധിച്ചു

    ആദ്യ രണ്ട് ആക്രമണങ്ങൾ ശ്രീ നഗറിലെ ലാൽ ബസാറിലായിരുന്നു. ഫാർമസിസ്റ്റന്റിനു നേരെയാണ് ഭീകരർ ആദ്യം വെടിയുതിർത്തത്. ഇയാൾ സ്ഥലത്ത് വെച്ച് തന്നെ കൊല്ലപ്പെട്ടു. തുടർന്ന് മിനിറ്റുകൾക്കകം ലാൽ ബസാറിൽ ബീഹാർ സ്വദേശിക്ക് നേരെ ആക്രമണം നടന്നു. തുടർന്നാണ് ബന്ദിപോരയിൽ ഭീകരാക്രമണം ഉണ്ടായത്. പ്രദേശത്തെ ടാക്സി യൂണിയൻ പ്രസിഡന്റ ആക്രമണത്തിൽ കൊല്ലപ്പെട്ടു. കഴിഞ്ഞ മൂന്ന് ദിവസത്തിനിടെ ജമ്മു കശ്മീരിൽ നിരവധി ഭീകരാക്രമണങ്ങളാണ് നടക്കുന്നത്.

    Read Also : തീവ്രവാദ ബന്ധം; കശ്മീരിൽ ആറ് സർക്കാർ ഉദ്യോഗസ്ഥരെ പിരിച്ചുവിട്ടു

    Story Highlights: Terrorist Attacks Jammu And Kashmir

    കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
    COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

    Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

    നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
    Top