സംസ്ഥാനത്ത് കൊവിഡ് ബാധിച്ച് 41 ഗർഭിണികൾ മരിച്ചു : ആരോഗ്യ മന്ത്രി
സംസ്ഥാനത്ത് കൊവിഡ് ബാധിച്ച് 41 ഗർഭിണികൾ മരിച്ചതായി ആരോഗ്യ മന്ത്രി വീണാ ജോർജ്. നിയമസഭയെ രേഖാമൂലം അറിയിച്ചതാണ് ഇക്കാര്യം. ( 41 pregnant women died of covid )
കൊവിഡ് ബാധിച്ച 149 പേർ ആത്മഹത്യ ചെയ്തു. കൊവിഡ് ബാധിച്ച വ്യക്തി കോവിഷീൽഡ് ഒന്നോ രണ്ടോ ഡോസ് എടുത്താലും ഉയർന്ന പ്രതിരോധ ശേഷി കണ്ടുവരുന്നു.കൊവിഡ് വന്നവർ ഒരു ഡോസ് വാക്സിൻ മാത്രം എടുത്താൽ കൂടുതൽ പ്രതിരോധ ശേഷി കൈവരിക്കുമെന്ന പഠനങ്ങളില്ലെന്നും ആരോഗ്യമന്ത്രി സഭയെ അറിയിച്ചു.
Read Also : ഗർഭിണിയായ യുവതിയെ കൂട്ടബലാത്സംഗം ചെയ്ത് റെയിൽവേ പാളത്തിൽ ഉപേക്ഷിച്ചു; രണ്ട് പേർ അറസ്റ്റിൽ
സംസ്ഥാനത്തെ ഇതുവരെ കൊവിഡ് ബാധിച്ച് മരിച്ചത് 29,355 പേരാണ്. ഇന്നലെ മാത്രം 90 മരണങ്ങളാണ് കൊവിഡ് മൂലമാണെന്ന് സ്ഥിരീകരിച്ചത്. ഇതുകൂടാതെ സുപ്രിംകോടതി വിധിപ്രകാരം കേന്ദ്രസർക്കാരിന്റെ പുതിയ മാർഗനിർദേശമനുസരിച്ച് അപ്പീൽ നൽകിയ 51 മരണങ്ങളും, മതിയായ രേഖകളില്ലാത്തത് കാരണം സ്ഥിരീകരിക്കാതിരുന്ന കഴിഞ്ഞ ജൂൺ 18 വരെയുള്ള 341 മരണങ്ങളും റിപ്പോർട്ട് ചെയ്തിട്ടുണ്ട്. ഇതോടെയാണ് സംസ്ഥാനത്തെ ആകെ കൊവിഡ് മരണം 29,355 ആയത്.
Story Highlights : 41 pregnant women died of covid
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here