29
Nov 2021
Monday
Covid Updates

    ഉൻമുക്ത് ചന്ദ് വിവാഹിതനായി; ചിത്രങ്ങൾ

    unmukt chand wedding pics

    ഇന്ത്യയുടെ മുൻ അണ്ടർ 19 ലോകകപ്പ് ക്യാപ്റ്റൻ ഉന്മുക്ത് ചന്ദ് വിവാഹിതനായി. ഞായറാഴ്ചയായിരുന്നു വിവാഹം. ഫിറ്റ്‌നസ് ട്രെയ്‌നറായ സിമ്രൻ ഖോസ്ലയെയാണ് താരം വിവാഹം കഴിച്ചത്. ( unmukt chand wedding pics )

    കഴിഞ്ഞ ദിവസം ബിഗ് ബാഷ് ലീഗ് കളിക്കുന്ന ആദ്യ ഇന്ത്യൻ പുരുഷ താരമെന്ന റെക്കോർഡ് സ്വന്തമാക്കിയിരുന്നു ഉന്മുക്ത് ചന്ദ്. ഇന്ത്യയിൽ മികച്ച പ്രകടനം നടത്താൻ സാധിക്കാതിരുന്നതിനെ തുടർന്ന് അമേരിക്കയിലേക്ക് കുടിയേറിയ ഉന്മുക്ത് അടുത്തിടെ സമാപിച്ച മൈനർ ലീഗ് ടി20 ക്രിക്കറ്റ് ടൂർണമെന്റിൽ തകർപ്പൻ പ്രകടനം നടത്തിയിരുന്നു. ടൂർണമെന്റിൽ 612 റൺസോടെ ഉന്മുക്ത് ആയിരുന്നു ഏറ്റവും റൺസ് നേടിയ താരം. ഈ പ്രകടനത്തിനു പിന്നാലെയാണ് ഉന്മുക്തിന് ബിഗ് ബാഷ് ലീഗിലേക്ക് ക്ഷണം വന്നത്.

    ഒരുകാലത്ത് ഇന്ത്യൻ ടീമിന്റെ ഭാവി വാഗ്ധാനം എന്നറിയപ്പെട്ടിരുന്ന താരമാണ് ഉന്മുക്ത്. ആഭ്യന്തര മത്സരങ്ങളിലെ സ്ഥിരതയാർന്ന പ്രകടനങ്ങൾക്കൊടുവിൽ 2012 അണ്ടർ 19 ലോകകപ്പ് ടീമിനെ നയിച്ച ഉന്മുക്ത് ടീമിനെ ജേതാക്കളാക്കി. ഫൈനലിൽ ഓസ്‌ട്രേലിയക്കെതിരെ തകർപ്പൻ സെഞ്ചുറി നേടിയ ഉന്മുക്തിനെ ഏറെ പ്രതീക്ഷകളോടെയാണ് ക്രിക്കറ്റ് ലോകം കണ്ടത്. കോപ്പിബുക്ക് ഷോട്ടുകളും മികച്ച ടൈമിങുമുള്ള താരം സ്‌റ്റൈലിഷ് പ്ലേയുടെ വക്താവായിരുന്നു.

    ലോകകപ്പിലെ മികച്ച പ്രകടനങ്ങൾ ഉന്മുക്തിനെ ഐപിഎലിലെത്തിച്ചു. ഡൽഹി ക്യാപിറ്റൽസ്, മുംബൈ ഇന്ത്യൻസ്, രാജസ്ഥാൻ റോയൽസ് എന്നീ ടീമുകൾക്കായി കളിച്ചെങ്കിലും ഒരിക്കൽ പോലും എടുത്തുപറയത്തക്ക പ്രകടനം നടത്താൻ താരത്തിനായില്ല. വൈകാതെ ആഭ്യന്തര മത്സരങ്ങളിലും ഉന്മുക്ത് തുടർച്ചയായി പരാജയപ്പെട്ടു.

    Read Also : ബിഗ് ബാഷ് ലീഗ് കളിക്കുന്ന ആദ്യ ഇന്ത്യൻ പുരുഷ താരം; റെക്കോർഡ് നേട്ടവുമായി ഉന്മുക്ത് ചന്ദ്

    കഴിഞ്ഞ സീസണിൽ ഡൽഹിയിൽ നിന്ന് ഉത്തരാഖണ്ഡിലേക്ക് മാറിയെങ്കിലും അവിടെയും താരം മോശം പ്രകടനങ്ങളാണ് നടത്തിയത്. ഒടുവിൽ കഴിഞ്ഞ ഓഗസ്റ്റിൽ ഇന്ത്യൻ ക്രിക്കറ്റിൽ നിന്ന് വിരമിച്ച ഉന്മുക്ത് അമേരിക്കയിലേക്ക് ചേക്കേറി. അവിടെ സിലിക്കോൺ വാലി സ്‌ട്രൈക്കേഴ്‌സിനെ നയിച്ച താരം അവരെ ചാമ്പ്യന്മാരുമാക്കി.

    Story Highlights : unmukt chand wedding pics

    കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
    COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

    Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

    നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
    Top