ട്വന്റിഫോറിന് മൂന്നാം പിറന്നാൾ; രാവിലെ മുതൽ പ്രത്യേക തത്സമയ സംപ്രേഷണം

മൂന്നാം പിറന്നാൾ ആഘോഷത്തിന്റെ നിറവിൽ ട്വന്റിഫോർ. വാർത്താ അവതരണത്തിൽ പുതുമകൾ സമ്മാനിച്ച് ട്വന്റിഫോർ മുന്നോട്ട് കുതിക്കുകയാണ്. ആഘോഷങ്ങൾക്ക് തുടക്കമിട്ട് രാവിലെ മുതൽ പ്രത്യേക തത്സമയ സംപ്രേഷണമാണ് ഒരുക്കുന്നത്. ( 24 anniversary program )
രാവിലെ 6 മണി മുതൽ ആരംഭിച്ച തത്സമയ പരിപാടി രാത്രി 11 മണി വരെ നീളും. ട്വന്റിഫോറിന്റെ നെടുംതൂണായി നിന്ന് പ്രവർത്തിക്കുന്ന അണിയറ പ്രവർത്തകരെ പരിചയപ്പെടുത്തുകയും, ട്വന്റിഫോറിന്റെ മൂന്ന് വർഷത്തെ യാത്ര പ്രേക്ഷകരുമായി പങ്കുവയ്ക്കുകയും ചെയ്യും. ഇതിനിടെ വാർത്തകളുടെ ഗൗരവം ഒട്ടു ചോരാതെ പ്രേക്ഷകരിലേക്ക് എത്തിക്കുകയും ചെയ്യും. വിവിധ ചാറ്റ് ഷോകളും, വാർത്താ പരിപാടികളാലും സമ്പന്നമായിരിക്കും ഇന്നത്തെ ദിനം. രാത്രി വരെ നീളുന്ന തത്സമയ പരിപാടിയിൽ പ്രേക്ഷകർക്കും പങ്കുചേരാൻ അവസരമുണ്ട്.
2018 ഡിസംബർ 8 മുതലാണ് ട്വന്റിഫോർ മലയാളി പ്രേക്ഷകരുടെ സ്വീകരണ മുറിയിൽ നിറസാന്നിധ്യമായത്. പുത്തൻ സാങ്കേതി സൗകര്യങ്ങളുടെ അനന്ത സാധ്യതയിൽ ഇന്ത്യൻ വാർത്താ മാധ്യമങ്ങൾക്ക് വഴികാട്ടിയായിരുന്നു ട്വന്റിഫോർ. വാർത്തയുടെ കാണാപ്പുറങ്ങൾ പ്രേക്ഷകരിൽ എത്തിക്കാൻ 24 മണിക്കൂറും മിഴി തുറന്ന ട്വന്റിഫോർ പിറന്നാൾ ആഘോഷങ്ങൾ 12K വിസ്താര മെഗാ മാജിക് സ്ക്രീനിലാണ് ഒരുക്കുന്നത്.
തിരുവോണ ദിനത്തിൽ സമാന രീതിയിൽ ട്വന്റിഫോർ ഒരുക്കിയ ദൃശ്യവിരുന്ന് ഇരുകൈയും നീട്ടിയാണ് പ്രേക്ഷകർ ഏറ്റുവാങ്ങിയത്. വാർത്തകൾക്കൊപ്പം അവതാരകരുടെ വിശേഷങ്ങൾ പങ്കുവച്ചും, ഓണക്കളികൾ നടത്തിയും കൊവിഡ് കാരണം വീടുകളിലും ഓഫിസ് മുറികളിലുമൊതുങ്ങിയ മലയാളികളുടെ ഓണം ട്വന്റിഫോർ വർണാഭമാക്കി.
Story Highlights : 24 anniversary program
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here