നടിയെ ആക്രമിച്ച കേസ്; ബാലചന്ദ്രകുമാറിന് പൊലീസ് സുരക്ഷ
നടിയെ ആക്രമിച്ച കേസില് ദിലീപിനെതിരെ കൂടുതല് വെളിപ്പെടുത്തലുകള് നടത്തിയ സംവിധായകന് ബാലചന്ദ്രകുമാറിന് പൊലീസ് സുരക്ഷ ഏര്പ്പെടുത്തി. ജീവന് ഭീഷണിയുണ്ടെന്ന ബാലചന്ദ്രകുമാറിന്റെ പരാതിയുടെ അടിസ്ഥാനത്തിലാണ് പൊലീസ് നടപടി.
നാളെ രഹസ്യമൊഴി രേഖപ്പെടുത്താന് കോടതിയിലേക്ക് വരുമ്പോള് സുരക്ഷ ഉറപ്പാക്കാന് പൊലീസിന് നിര്ദേശമുണ്ട്. എറണാകുളം മജിസ്ട്രേറ്റ് രണ്ടാം കോടതിയിലാണ് മൊഴി രേഖപ്പെടുത്തുക. നടന് ദിലീപിനെതിരെ സംവിധായകന് തെളിവ് പുറത്തുവിട്ട സാഹചര്യത്തിലാണ് രഹസ്യ മൊഴി രേഖപ്പെടുത്തുന്നത്. രഹസ്യ മൊഴി രേഖപ്പെടുത്താന് മജിസ്ട്രേറ്റിനെ ചുമതലപ്പെടുത്തും.
നടിയെ ആക്രമിച്ച കേസിലെ മുഖ്യ പ്രതി സുനില് കുമാറുമായി പ്രതി ദിലീപിന് ബന്ധമുണ്ടെന്നും, നടിയുടെ അപകീര്ത്തികരമായ ദൃശ്യങ്ങള് ദിലീപിന്റെ കൈവശമുണ്ടെന്നും സംവിധായകന് ബാലചന്ദ്ര കുമാര് വെളിപ്പെടുത്തിയിരുന്നു.
Read Also : നടിയെ ആക്രമിച്ച കേസ് ; സംവിധായകൻ ബാലചന്ദ്ര കുമാറിന്റെ രഹസ്യ മൊഴിയെടുക്കും
കേസില് വിചാരണ നീട്ടണമെന്ന് സര്ക്കാര് സുപ്രിംകോടതിയെ അറിയിച്ചിരുന്നു. വിചാരണയ്ക്ക് ആറ് മാസം കൂടി സമയം അനുവദിക്കണമെന്ന് സര്ക്കാര് സുപ്രിംകോടതിയെ അറിയിച്ചു. ഫെബ്രുവരി 16 വരെയാണ് വിചാരണയ്ക്ക് സമയം അനുവദിച്ചിരുന്നത്. എന്നാല് നിര്ണായകമായ പുതിയ വെളിപ്പെടുത്തലുകള് വന്ന സാഹചര്യത്തില് വിചാരണ നീട്ടണമെന്നാണ് സര്ക്കാരിന്റെ ആവശ്യം.
Story Highlights : balachandra kumar, dileep case, police security
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here