വയനാട്ടിൽ കാട്ടാന ചരിഞ്ഞ നിലയിൽ

വയനാട് പുൽപ്പള്ളിയിൽ കാട്ടാന ചരിഞ്ഞ നിലയിൽ. ചെതലത്ത് റേഞ്ചിലാണ് കാട്ടാനയെ ചരിഞ്ഞ നിലയിൽ കണ്ടെത്തിയത്. കാട്ടാനകൾ തമ്മിലുള്ള ഏറ്റുമുട്ടലിനിടെയാണ് കാട്ടുകൊമ്പൻ ചരിഞ്ഞത് എന്നാണ് പ്രാഥമിക നിഗമനം. ഉന്നത വനംവകുപ്പ് ഉദ്യോഗസ്ഥർ സ്ഥലത്തെത്തി.

ഇന്ന് ഉച്ചയോടെ വനംവകുപ്പ് അധികൃതർ നടത്തിയ പരിശോധനയിലാണ് പാതിരി ഫോറസ്റ്റിൽ നാലര വയസ്സ് പ്രായം മതിയ്ക്കുന്ന കാട്ടാനയെ ചരിഞ്ഞ നിലയിൽ കണ്ടെത്തിയത്. കഴിഞ്ഞ ദിവസങ്ങളിൽ കാട്ടാനക്കൂട്ടം ഇവിടെയുണ്ടായിരുന്നു എന്ന് നാട്ടുകാർ പറയുന്നു. ആനകൾ തമ്മിൽ ഏറ്റുമുട്ടിയതിൻ്റെ പരുക്കുകൾ ചരിഞ്ഞ ആനയുടെ ശരീരത്തിൽ കണ്ടെത്തിയിരുന്നു.

Story Highlights : elephant death wayanadu forest