മണിപ്പൂർ 2022; എക്‌സിറ്റ് പോൾ ഫലങ്ങൾ സത്യമാകുന്നു

വടക്കുകിഴക്കൻ സംസ്ഥാനമായ മണിപ്പൂരിൽ വോട്ടെണ്ണൽ പുരോഗമിക്കുന്നു. നിയമസഭാ തെരഞ്ഞെടുപ്പിന് ശേഷം നടത്തിയ എക്‌സിറ്റ് പോൾ ഫലങ്ങളിൽ, ഭൂരിഭാഗവും തൂക്കുസഭയാണ് പ്രവചിക്കുന്നത്. ഇത് ശരിവെക്കുന്ന ഫലങ്ങളാണ് പുറത്ത് വരുന്നത്. ബിജെപിക്ക് 23, കോൺഗ്രസിന് 14, എൻപിഎഫിന് 6, എൻപിപിക്ക് 9, മറ്റുള്ളവർക്ക് 8 സീറ്റുകളാണ് ലഭിച്ചത്. മണിപ്പൂരിൽ ആകെ 60 അസംബ്ലി സീറ്റുകളുണ്ട്, ഭരിക്കാൻ വേണ്ടത് 31 സീറ്റാണ്.

“വരാനിരിക്കുന്ന അഞ്ച് വർഷം സമാധാനത്തോടെയും വികസനത്തോടെയും കഴിഞ്ഞ അഞ്ച് വർഷം പോലെ ആയിരിക്കട്ടെ, ബിജെപി പൂർണ്ണ ഭൂരിപക്ഷത്തോടെ സർക്കാർ രൂപീകരിക്കണമെന്ന് ഞാൻ ദൈവത്തോട് പ്രാർത്ഥിക്കുന്നു.” മണിപ്പൂർ മുഖ്യമന്ത്രി എൻ ബിരേൻ സിംഗ് വോട്ടെണ്ണൽ വേളയിൽ പറഞ്ഞു, 2017ലെ നിയമസഭാ തിരഞ്ഞെടുപ്പിൽ എൻപിപി, എൽജെപി, സ്വതന്ത്ര എംഎൽഎമാരുടെ പിന്തുണയോടെ ബിജെപി സർക്കാർ രൂപീകരിച്ചു.

2017ലെ മണിപ്പൂർ നിയമസഭാ തെരഞ്ഞെടുപ്പിൽ കോൺഗ്രസ് ഏറ്റവും വലിയ ഒറ്റക്കക്ഷിയായി ഉയർന്നുവെങ്കിലും സർക്കാർ രൂപീകരിക്കുന്നതിൽ പിന്നാക്കം പോയി. കോൺഗ്രസിന് 28 സീറ്റും ബിജെപി 21 സീറ്റും നേടി. തെരഞ്ഞെടുപ്പിൽ നാഷണൽ പീപ്പിൾസ് പാർട്ടിക്കും നാഗാ പീപ്പിൾസ് ഫ്രണ്ടിനും നാല് വീതവും. ടിഎംസിക്ക് ഓരോ സീറ്റ് വീതം ലഭിച്ചു. 2012ലെ തെരഞ്ഞെടുപ്പിൽ കോൺഗ്രസ് 42 സീറ്റുകൾ നേടിയിരുന്നു. 60 നിയമസഭാ സീറ്റുകളിലേക്കാണ് രണ്ട് ഘട്ടങ്ങളിലായി വോട്ടെടുപ്പ് നടന്നത്.

Story Highlights: manipur-election-result