‘വിസ്മയയ്ക്ക് നീതി ലഭിച്ചു, സമൂഹത്തിന് നൽകിയ സന്ദേശമാണ് ഈ വിധി’ : വിസ്മയയുടെ അച്ഛൻ

സമൂഹത്തിന് നൽകിയ സന്ദേശമാണ് വിസ്മയാ കേസിലെ വിധിയെന്ന് വിസ്മയയുടെ അച്ഛൻ ത്രിവിക്രമൻ നായർ. വിധിയിൽ സന്തോഷമുണ്ടെന്നും അദ്ദേഹം പ്രതികരിച്ചു. ( vismaya got justice responds father )

‘പ്രതീക്ഷിച്ച വിധിയാണ് ലഭിച്ചത്. സന്തോഷമുണ്ട്. ആരോപിച്ച എല്ലാ കുറ്റങ്ങളും തെളിഞ്ഞു. നീതി ന്യായ വ്യവസ്ഥയിൽ വിശ്വാസമുണ്ട്. സമൂഹത്തിന് നൽകിയ സന്ദേശമാണ് ഈ വിധി. അന്വേഷണ ഉദ്യോഗസ്ഥന്റെയും പബ്ലിക് പ്രോസിക്യൂട്ടറിന്റേയും അധ്വാനമാണ് വിധിക്ക് കാരണം. ഇനിയും ഇതുപോലൊരും ദുഃഖം ഒരു അച്ഛനും അമ്മയ്ക്കും ഉണ്ടാകരുത്’- അച്ഛൻ പറഞ്ഞു.

വിസ്മയാ കേസിൽ ഭർത്താവ് കിരൺ കുമാർ കുറ്റക്കാരനാണെന്ന് കൊല്ലം അഡീഷ്ണൽ സെഷൻസ് കോടതി കണ്ടത്തിയിരുന്നു. പ്രോസിക്യൂഷൻ ചുമത്തിയ എല്ലാ കുറ്റങ്ങളും കോടതി ശരി വയ്ക്കുകയായിരുന്നു. 304 b – സ്ത്രീധ പീഡനത്തെ ചൊല്ലിയുള്ള മരണം, 306 -ാം വകുപ്പ് ആത്മഹത്യാപ്രേരണ, 498 A സ്ത്രീധന പീഡനം, എന്നീ വകുപ്പുകളാണ് ശരിവച്ചത്. തുടർന്ന് ജാമ്യത്തിലായിരുന്ന കിരൺ കുമാറിന്റെ ജാമ്യം കോടതി റദ്ദാക്കുകയായിരുന്നു.

Read Also: ‘സിറ്റി ആയിരുന്നു ഇഷ്ടം, നിങ്ങടെ എച്ചിത്തരം കണ്ട് ഞാൻ തന്നെ വേണ്ടെന്ന് പറഞ്ഞതാ’; കിരൺ കുമാറിന്റെ ശബ്ദ സന്ദേശം പുറത്ത്

ഗാർഹിക പീഡനം, സ്ത്രീധന പീഡനം, ആത്മഹത്യ പ്രേരണയടക്കം ഒൻപത് വകുപ്പുകൾ ചുമത്തിയാണ് കുറ്റപത്രം നൽകിയിരിക്കുന്നത്. 500 പേജുള്ള കുറ്റപത്രമാണ് കോടതിയിൽ സമർപ്പിച്ചത്. 102 സാക്ഷികളും, 92 റെക്കോർഡുകളും 56 തൊണ്ടിമുതലുകളുമാണ് കേസിലുള്ളത്.

Story Highlights: vismaya got justice responds father