കടത്തിൽ മുങ്ങി പാകിസ്താൻ; രാജ്യത്തിന്റെ മൊത്തം കടം 60 ട്രില്യൺ

കോടിക്കണക്കിന് രൂപയുടെ കടത്തിലാണ് രാജ്യമെന്ന് വ്യക്തമാക്കി സ്റ്റേറ്റ് ബാങ്ക് ഓഫ് പാകിസ്താൻ. പുതുതായി പുറത്തുവിട്ട കണക്കുകളിലാണ് ഇക്കാര്യം വ്യക്തമാക്കുന്നത്. 60 ട്രില്യൺ പാകിസ്താൻ രൂപ (ഏകദേശം 2,22,25,27,15,50,000 രൂപ) ആണ് രാജ്യത്തിന്റെ ആകെ കടം. ഒരു വർഷത്തിനിടെ 11.9 ട്രില്യൺ രൂപയുടെ കടം വർധിച്ചതായാണ് കണക്കുകൂട്ടൽ.

സ്റ്റേറ്റ് ബാങ്ക് ഓഫ് പാകിസ്താന്റെ കണക്കനുസരിച്ച്, രാജ്യത്തിന്റെ മൊത്തം കടവും ബാധ്യതകളും മുൻ സാമ്പത്തിക വർഷവുമായി താരതമ്യം ചെയ്യുമ്പോൾ 25% വർധനയോടെ 59.7 ട്രില്യൺ പാകിസ്താൻ രൂപയായി ആയി ഉയർന്നിട്ടുണ്ട്. ദേശീയ സമ്പദ്വ്യവസ്ഥയുടെ അടിസ്ഥാനത്തിൽ കടഭാരം ഉയർന്നതായാണ് സെൻട്രൽ ബാങ്ക് വെളിപ്പെടുത്തുന്നത്.

Read Also: ‘ഒരു മതം എന്ന് പറയുന്നവർ പാകിസ്താനിലേക്ക് നോക്കണം, മതത്തെ അടിസ്ഥാനമായി കരുതുന്നവർക്കുള്ള മുന്നറിയിപ്പാണ് പാകിസ്താൻ’: കെ.ടി ജലീൽ

2018-ൽ സമ്പദ്വ്യവസ്ഥയുടെ അടിസ്ഥാനത്തിൽ പാക്കിസ്താന്റെ മൊത്തം കട ബാധ്യത 76.4% ആയിരുന്നു. 2022 ജൂണിൽ അത് 89.2% ആയി ഉയർന്നു. മുൻ പാകിസ്താൻ പ്രധാനമന്ത്രി ഇമ്രാൻ ഖാൻ കടഭാരം കുറയ്‌ക്കുമെന്ന് പ്രതിജ്ഞയെടുത്താണ് അധികാരത്തിലേറിയത്. എന്നാൽ 2022 ഏപ്രിലിൽ ഇമ്രാൻ ഖാൻ സ്ഥാനമൊഴിഞ്ഞപ്പോൾ സർക്കാരിന്റെ മൊത്തം കടത്തിലേക്ക് 19.5 ട്രില്യൺ കൂടി ചേർന്നിരുന്നു.

Story Highlights: Pakistan’s total debt jumps to Rs60 trillion