ആൻഡ്രോയ്ഡ് 13 അപ്ഡേറ്റിൽ ബഗ്; വയർലസ് ചാർജിങ് സൗകര്യം തടസപ്പെടുന്നതായി പരാതി

ആൻഡ്രോയ്ഡ് 13ലേക്ക് അപ്ഡേറ്റ് ചെയ്തവർക്ക് വയർലസ് ചാർജിങ് സൗകര്യം തടസപ്പെടുന്നതായി റിപ്പോർട്ട്. ഗൂഗിൾ പിക്സൽ ഫോണുകൾക്കാണ് നിലവിൽ ആൻഡ്രോയ്ഡ് 13 അപ്ഡേറ്റ് നൽകിയിരിക്കുന്നത്. പുതിയ ആൻഡ്രോയ്ഡ് പതിപ്പിലേക്ക് അപ്ഗ്രേഡ് ചെയ്തതിനു പിന്നാലെ ഫോണുകളുടെ വയർലസ് ചാർജിങ് സൗകര്യം തടസപ്പെട്ടതായി ഉപഭോക്താക്കൾ പറയുന്നു.

പിക്സൽ 4, പിക്സൽ 4 എക്സ്എൽ ഫോണുകൾക്കാണ് പ്രധാനമായും പ്രശ്നമുണ്ടായിരിക്കുന്നത്. ആൻഡ്രോയ്ഡ് 13ലേക്ക് അപ്ഗ്രേഡ് ചെയ്തതിനു പിന്നാലെ വയർലസ് ചാർജിങ് സൗകര്യം പ്രവർത്തിക്കാതായെന്ന് ഉപഭോക്താക്കൾ ആരോപിക്കുന്നു. ഇക്കാര്യത്തിൽ ഗൂഗിൾ ഇതുവരെ പ്രതികരിച്ചിട്ടില്ല.

Story Highlights: Android 13 Wireless Charging