ഡൽഹി ക്യാപിറ്റൽസിൻ്റെ മത്സരം കാണാൻ ഋഷഭ് പന്ത് സ്റ്റേഡിയത്തിൽ

ഡൽഹി ക്യാപിറ്റൽസിൻ്റെ മത്സരം കാണാൻ ഋഷഭ് പന്ത് ഡൽഹി അരുൺ ജെയ്റ്റ്ലി സ്റ്റേഡിയത്തിലെത്തി. സീസണിൽ ടീമിൻ്റെ ആദ്യ മത്സരം കാണാനാണ് പന്ത് എത്തിയത്. വാഹനാപകടത്തിൽ പരുക്കേറ്റ താരം നിലവിൽ വിശ്രമത്തിലാണ്. സ്ട്രെച്ചറുമായി എത്തിയ താരത്തിന് വലിയ വരവേല്പാണ് കാണികൾ നൽകിയത്. (rishabh pant delhi capitals)

When he enter the Stadium
Audience Chanting :"We want Rishabh Pant."
😊😭💜💕#RishabhPant #DCvsGT pic.twitter.com/nF0RYOotbE

— Mihika Singh (@Stars_ki_Duniya) April 4, 2023

അതേസമയം, മത്സരത്തിൽ ഡൽഹി ക്യാപിറ്റൽസിനെതിരെ ഗുജറാത്ത് ടൈറ്റൻസിന് 163 റൺസാണ് വിജയലക്ഷ്യം. ആദ്യം ബാറ്റ് ചെയ്ത ഡൽഹി 8 വിക്കറ്റ് നഷ്ടപ്പെടുത്തി 162 റൺസ് നേടി . 32 പന്തിൽ 37 റൺസ് നേടിയ ഡേവിഡ് വാർണറാണ് ഡൽഹിയുടെ ടോപ്പ് സ്കോറർ. ഗുജറാത്തിനായി റാഷിദ് ഖാനും മുഹമ്മദ് ഷമിയും മൂന്ന് വിക്കറ്റ് വീതം വീഴ്ത്തി.

Read Also: ഡൽഹിയെ വരിഞ്ഞുമുറുക്കി ഗുജറാത്ത്; വിജയലക്ഷ്യം 163 റൺസ്

പേസിനെ തുണയ്ക്കുന്ന പിച്ചിൽ മുഹമ്മദ് ഷമിയും ജോഷ്വ ലിറ്റിലും ചേർന്ന് ഡൽഹി ബാറ്റർമാരെ വിറപ്പിച്ചുനിർത്തുന്നതാണ് പവർ പ്ലേയിൽ കണ്ടത്. പൃഥ്വി ഷാ (7), മിച്ചൽ മാർഷ് (4) എന്നിവരെ പുറത്താക്കിയ മുഹമ്മദ് ഷമി ഡൽഹിയ്ക്ക് തുടക്കത്തിൽ തന്നെ തിരിച്ചടിനൽകി. ഭേദപ്പെട്ട രീതിയിൽ ബാറ്റ് ചെയ്തുവന്ന ഡേവിഡ് വാർണറെയും തൊട്ടടുത്ത പന്തിൽ റൈലി റുസോയെയും (0) പുറത്താക്കിയ അൽസാരി ജോസഫ് ഡൽഹിയ്ക്ക് ഇരട്ട പ്രഹരമേല്പിച്ചു.

Look who's here supporting the @DelhiCapitals – RP 17 🤌🤌#TATAIPL pic.twitter.com/56Dd0Tw7NE

— IndianPremierLeague (@IPL) April 4, 2023

സർഫറാസ് ഖാൻ ക്രീസിൽ തുടർന്നെങ്കിലും താരത്തിൻ്റെ മെല്ലെപ്പോക്ക് ഡൽഹിയ്ക്ക് തിരിച്ചടിയായി. പുതുമുഖ താരം അഭിഷേക് പോറെലിൻ്റെ വിസ്ഫോടനാത്‌മക ബാറ്റിംഗാണ് ഡൽഹിയെ ഈ സമയത്ത് രക്ഷിച്ചുനിർത്തിയത്. 11 പന്തിൽ 20 റൺസ് നേടിയ പോറെൽ റാഷിദ് ഖാനു മുന്നിൽ മുട്ടുമടക്കുകയായിരുന്നു. 34 പന്തിൽ 30 റൺസ് നേടിയ സർഫറാസ് ഖാനെയും അമൻ ഹക്കിം ഖാനെയും (8) പുറത്താക്കിയ റാഷിദ് തൻ്റെ വിക്കറ്റ് വേട്ട മൂന്നാക്കി ഉയർത്തി. അവസാന ഓവറുകളിൽ തകർത്തടിച്ച അക്സർ പട്ടേൽ ഡൽഹിയെ മാന്യമായ സ്കോറിലെത്തിക്കുകയായിരുന്നു. 22 പന്തിൽ 36 റൺസ് നേടിയ അക്സർ പട്ടേലിനെ അവസാന ഓവറിൽ ഷമി മടക്കി അയച്ചു. ആൻറിച് നോർക്കിയ (4), കുൽദീപ് യാദവ് (1) എന്നിവർ നോട്ടൗട്ടാണ്.

Story Highlights: rishabh pant stadium delhi capitals