കണ്ണൂരില് ഉഗ്രസ്ഫോടന ശേഷിയുള്ള 9 സ്റ്റീല് ബോംബുകള് പിടികൂടി
2 minutes Read
കണ്ണൂര് മട്ടന്നൂര് കൊളാരിയില് ഉഗ്രസ്ഫോടന ശേഷിയുള്ള 9 സ്റ്റീല് ബോംബുകള് പിടികൂടി. പാടത്ത് ബക്കറ്റില് സൂക്ഷിച്ച നിലയിലാണ് ബോംബുകള് കണ്ടെത്തിയത്. ബോംബ് സ്ക്വാഡെത്തി ബോംബുകള് നിര്വീര്യമാക്കി. (9 steel bomb seized from Kannur)
ബോംബുശേഖരം ശ്രദ്ധയില്പ്പെട്ട നാട്ടുകാര് പൊലീസില് വിവരം അറിയിക്കുകയായിരുന്നു. പൊലീസും ബോംബ് സ്വാക്ഡും സ്ഥലത്തെത്തി ഉടനടി ബോംബുകള് കണ്ടെത്തി നിര്വീര്യമാക്കുകയായിരുന്നു. ഈ മേഖലയില് ആര്എസ്എസിന്റെ കാര്യാലയം പ്രവര്ത്തിക്കുന്നുണ്ട്. ഇത് ആര്എസ്എസിന്റെ ശക്തി കേന്ദ്രമാണെന്നും ബോംബ് നിര്മാണത്തിന് പിന്നില് ആര്എസ്എസ് ആണെന്നും സിപിഐഎം ആരോപിച്ചു. എന്നാല് ഇതുവരെ പൊലീസ് ഈ ആരോപണം സ്ഥിരീകരിച്ചിട്ടില്ല. സംഭവത്തില് പൊലീസ് അന്വേഷണം നടന്നുവരികയാണ്.
ബോംബുകള് ഈ അടുത്ത കാലത്ത് തന്നെ നിര്മിച്ചതാണെന്നാണ് പൊലീസ് നല്കുന്ന വിവരം. ബോംബ് നിര്മാണത്തിന് പിന്നില് ആരാണെന്നും ഇവരുടെ ലക്ഷ്യമെന്താണെന്നും കണ്ടെത്താന് പൊലീസ് അന്വേഷണം തുടങ്ങിയിട്ടുണ്ട്.
Story Highlights : 9 steel bomb seized from Kannur
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
English