ഫ്‌ളവേഴ്‌സ് ഇനി യൂട്യൂബ് ലൈവിൽ; തിരുവോണ നാൾ മുതൽ എല്ലാ പ്രോ​ഗ്രാമുകളും ലൈവായി കാണാം

പ്രേക്ഷകരുടെ പ്രിയപ്പെട്ട എന്റർടെയ്ൻമെന്റ് ചാനൽ ഫ്ളവേഴ്സ് ഇനി 24 മണിക്കൂറും ലൈവായി യൂട്യൂബിൽ കാണാം. എട്ട് വർഷം മുൻപ് വിനോദ ടെലിവിഷൻ രം​ഗത്ത് വിപ്ലവം സൃഷ്ടിച്ച ഫ്‌ളവേഴ്‌സ് ഒരുക്കുന്ന കാഴ്ച്ചവസന്തം ഇനി യൂട്യൂബിലൂടെയും പ്രേക്ഷകർക്ക് ആസ്വദിക്കാം. തിരുവോണം നാളിൽ ഫ്ളവേഴ്സ് യൂട്യൂബ് ലൈവ് ആരംഭിക്കുന്നു. നാളെ 12 മണിക്ക് ട്വന്റിഫോർ ന്യൂസ് വഴി ചീഫ് എഡിറ്റർ ആർ ശ്രീകണ്ഠൻ നായർ ഉദ്ഘാടനം നിർവഹിക്കും.

ഇതുവഴി ഫ്ളവേഴ്സിന്റെ എല്ലാ പ്രോ​ഗ്രാമുകളും പ്രൊഡക്ഷനുകളും ലൈവായി പ്രേക്ഷകർക്ക് കാണാൻ കഴിയും. ഫ്ളവേഴ്സ് പ്രൈം മെമ്പർഷിപ്പ് എടുക്കുന്ന എല്ലാവർക്കും ലൈവായി കാണാൻ കഴിയും. മെമ്പർഷിപ്പിനായി 29 രൂപ നൽകി ഫ്ളവേഴ്സ് യൂട്യൂബ് ലൈവ് വരിക്കാരാകാൻ കഴിയും. സ്വന്തം പേഴസ്ണൽ അക്കൗണ്ട് വഴി മാത്രമായിരിക്കും ചാനൽ സബ്സ്ക്രൈബ് ചെയ്യാൻ കഴിയുക.

നാളെ നടക്കാനിരിക്കുന്ന ഫ്ളവേഴ്സ് ടോപ് സിങ്ങർ ​ഗ്രാൻഡ്ഫിനാലെ ഫ്ളവേഴ്സ് പ്രൈം മെമ്പർഷിപ്പ് എടുക്കുന്നവർക്ക് ലൈവായി കാണാൻ കഴിയും. മലയാളത്തിന്റെ പ്രിയ നടൻ മോഹൻലാലാണ് മുഖ്യാതിഥി ആയി എത്തുന്നത്. ഉച്ചയ്ക്ക് 12 മണി മുതലാണ് ഫ്ളവേഴ്സ് ടോപ് സിങ്ങർ സീസൺ 4 ​ഗ്രാൻഡ് ഫിനാലെ ആരംഭിക്കുന്നത്.

Story Highlights : Flowers TV Youtube live Inauguration tomorrow