അപ്രഖ്യാപിത ഹര്‍ത്താലില്‍ വര്‍ഗീയ ചേരിതിരിവ് സൃഷ്ടിക്കാന്‍ ശ്രമം നടന്നു; ഡിജിപി

കത്‌വയില്‍ എട്ട് വയസുകാരിയെ ക്രൂരമായി പീഡിപ്പിച്ച് കൊലപ്പെടുത്തിയ സംഭവത്തില്‍ പ്രതിഷേധ സൂചകമായി സംസ്ഥാനത്ത് തിങ്കളാഴ്ച നടത്തിയ അപ്രഖ്യാപിത സോഷ്യല്‍ മീഡിയ ഹര്‍ത്താലില്‍ വര്‍ഗീയ വികാരം ഇളക്കി വിടാന്‍ ശ്രമം നടന്നതായി പോലീസ് മേധാവി ലോക്‌നാഥ് ബെഹ്‌റ. വര്‍ഗീയ ചേരിതിരിവിലൂടെ സംസ്ഥാനത്തിന്റെ സൗഹാര്‍ദപരമായ അന്തരീക്ഷം തകര്‍ക്കാന്‍ ചിലര്‍ ചേര്‍ന്ന് ശ്രമിച്ചിട്ടുണ്ട്. വര്‍ഗീയ ധ്രുവീകരണം നടത്തുകയായിരുന്നു അത്തരക്കാരുടെ ലക്ഷ്യമെന്നും ഡിജിപി ലോക്‌നാഥ് ബെഹ്‌റ പറഞ്ഞു. സംസ്ഥാനത്ത് മുഴവനായും അന്വേഷണം നടക്കും. ഇതുവരെ അറസ്റ്റിലായ പ്രതികളുടെ പശ്ചാത്തലം അന്വേഷിക്കുമെന്നും പോലീസ് മേധാവി പറഞ്ഞു.