‘കാലങ്ങളായി അവഗണിക്കുന്നു’ ബിജെപി എം.പിയെ തടഞ്ഞ് രാംലല്ല വി​ഗ്രഹത്തിന് കല്ല് നൽകിയ ദളിത് ​ഗ്രാമനിവാസികൾ

രാമക്ഷേത്രത്തിലെ പ്രതിഷ്ഠാ ചടങ്ങിന് മുന്നോടിയായി കർണാടകയിലെ ​ഗ്രാമത്തിൽ സന്ദർശനത്തിനെത്തിയ ബിജെപി എം.പിയെ തടഞ്ഞ് ദളിതർ. കാലങ്ങളായി തങ്ങളെ അവഗണിക്കുന്നുവെന്ന് ആരോപിച്ചാണ് ജനം എംപിയെ തടഞ്ഞത്.

അയോധ്യയിലെ രാമക്ഷേത്രത്തിൽ സ്ഥാപിക്കുന്ന രാംലല്ല വിഗ്രഹത്തിന്റെ ശില ഈ ഗ്രാമത്തിൽ നിന്നാണ് എത്തിച്ചത്. എൻഡി ടിവി ഉൾപ്പെടയുള്ള മാധ്യമങ്ങൾ വാർത്ത റിപ്പോർട്ട് ചെയുന്നത്. ഈ പശ്ചാത്തലത്തില്‍ അയോധ്യയിലെ രാമക്ഷേത്രത്തിന്റെ പ്രാണ പ്രതിഷ്ഠയ്ക്ക് മണിക്കൂറുകൾക്ക് മുമ്പായിരുന്നു പ്രതാപ് സിംഹയുടെ മൈസൂർ ഗ്രാമത്തിലേക്കുള്ള സന്ദർശനം.

Read Also: ‘മോദി ഭയന്നിരിക്കുകയാണ്, കുറച്ചു ദിവസങ്ങൾ കഴിഞ്ഞാൽ പൊട്ടിക്കരയും’; രാഹുൽ ഗാന്ധി

രോഷാകുലരായ ജനക്കൂട്ടത്തിന് മുന്നിൽ നിൽക്കുന്ന പ്രതാപ് സിംഹയുടെ വിഡിയോ സാമൂഹ്യ മാധ്യമങ്ങളിൽ പ്രചരിച്ചു.ദശാബ്ദങ്ങളായി തങ്ങളെ ബിജെപി അധികാരികൾ അവ​ഗണിക്കുകയാണെന്ന് ചൂണ്ടിക്കാട്ടിയായിരുന്നു ​ഗ്രാമവാസികളുടെ പ്രതിഷേധം. ക്ഷുഭിതരായ ജനങ്ങളെ പൊലീസ് സംഘം നീക്കി.

ബിജെപിയുടെ സഖ്യകക്ഷിയായ ജനതാദള്‍ എസ് എംഎൽഎ ജിടി ദേവഗൗഡയും ഒപ്പമുണ്ടായിരുന്നു. ‘നിങ്ങൾ ഞങ്ങൾക്കായി ഒന്നും ചെയ്തില്ല. പക്ഷെ ഞങ്ങൾ എല്ലാം ചെയ്തു. ഞങ്ങൾ രാമനെ ബഹുമാനിക്കുന്നു, ഇറങ്ങിപ്പോകൂ’-കൂട്ടത്തിലൊരാള്‍ പറഞ്ഞു.

Story Highlights: Dalits Stop BJP MP From Entering Karnataka Village