ഇന്ന് അറഫാ സംഗമം

വിശുദ്ധ ഹജ്ജ് കര്‍മ്മത്തിന് തുടക്കമായി. തീര്‍ത്ഥാടകര്‍ മിനായിലെ കൂടാരത്തില്‍ എത്തിയതോടെയാണ് ഹജ്ജ് കര്‍മ്മത്തിന് തുടക്കമായത്. ഇന്നാണ് അറഫാ സംഗമം. 20ലക്ഷം പേരാണ് ഇത്തവണ അറഫാ സംഗമത്തില്‍ പങ്കെടുക്കുന്നത്. ഹജ്ജിന് എത്തിയ എല്ലാവരും ഓരേ സമയം പങ്കെടുക്കുന്ന കര്‍മ്മമാണിത്. അറഫാ സംഗമത്തിന് ശേഷം മുസ്ദലിഫയില്‍ കഴിഞ്ഞ് പിറ്റേന്ന് മിനായില്‍ തിരിച്ചെത്തുന്ന ഹാജിമാര്‍ ജംറയില്‍ കല്ലേറ് കര്‍മ്മം നിര്‍വഹിക്കും.  ഇന്നലെ സന്ധ്യയോടെത്തന്നെ ഹ​ജ്ജി​ന്‍റെ ല​ളി​ത​വ​സ്​​ത്ര​മ​ണി​ഞ്ഞ്,​ ല​ബ്ബൈ​ക്ക ചൊ​ല്ലി, ക​ർ​മ്മഭൂ​മി​യാ​യ മിനാ ലക്ഷ്യമാക്കി തീര്‍ഥാടകര്‍ പ്രയാണം തുടങ്ങിയിരുന്നു.

ഇത്ത​വ​ണ ക​ഴി​ഞ്ഞ വ​ർ​ഷ​ത്തെ​ക്കാ​ൾ നാ​ലു ല​ക്ഷ​ത്തി​ലേ​റെ വി​ദേ​ശ ഹാ​ജി​മാ​ർ അ​ധി​ക​മു​ണ്ട്​ എ​ന്ന്​ സൗ​ദി പാ​സ്​​പോ​ർ​ട്ട്​ വി​ഭാ​ഗം മേ​ധാ​വി വ്യ​ക്​​ത​മാ​ക്കി​യി​രു​ന്നു. 17,47,440 വിദേശ തീര്‍ഥാടകരാണ് ഇത്തവണ ഹജ്ജ് കര്‍മത്തിനായി എത്തിയിരിക്കുന്നത്. ഇന്ത്യയില്‍നിന്നും 1.70ലക്ഷം തീര്‍ഥാടകരാണ് ഇത്തവണ ഹജ്ജ് കര്‍മത്തിനായി എത്തിയത്. ഇ​ന്ത്യ​ൻ  ഹ​ജ്ജ്​ സൗ​ഹൃ​ദ​സം​ഘ​ത്തി​ൽ കേ​ന്ദ്ര വി​ദേ​ശ​കാ​ര്യ സ​ഹ​മ​ന്ത്രി എം.​ജെ. അ​ക്​​ബ​റും ബി.​ജെ.​പി വ​ക്​​താ​വ്​ സ​യ്യി​ദ്​ മു​സ​ഫ​ർ ഇ​സ്​​ലാ​മും എത്തി​യി​ട്ടു​ണ്ട്​. ഇരുപതിനായിരത്തിലധികം മലയാളികളും ഇത്തവണ ഹജ്ജ് നിര്‍വഹിക്കുന്നുണ്ട്.