ഓഖി; കണക്ക് തിരുത്തി സര്‍ക്കാര്‍; കാണാതായത് 397പേര്‍

ഓഖി ചുഴലിക്കാറ്റില്‍പ്പെട്ട് കടലില്‍ കാണാതായ മത്സ്യതൊഴിലാളികളുടെ എണ്ണം 397പേരെന്ന് സര്‍ക്കാറിന്റെ പുതിയ കണക്ക്. 301പേര്‍ വലിയ വള്ളങ്ങളിലും 96പേര്‍ ചെറു വള്ളങ്ങളിലും കടലില്‍ പോയവരാണെന്നാണ് കണക്കുകള്‍ പറയുന്നത്. പൊലീസ് സ്റ്റേഷനുകള്‍ മുഖേനയും കടലോര ഗ്രാമങ്ങളില്‍ നേരിട്ടെത്തിയും റവന്യൂ വകുപ്പ് ശേഖരിച്ച പുതിയ കണക്കാണിത്. എന്നാല്‍ 259പേര്‍ തിരിച്ച് വരാനുണ്ടെന്നാണ് ലത്തീന്‍ അതിരൂപതയുടെ കണക്ക്.

ചുഴലിക്കാറ്റിനെ തുടര്‍ന്ന് സ്വീകരിക്കേണ്ട നടപടികള്‍ ചര്‍ച്ച ചെയ്യാന്‍ ഇന്ന് മൂന്നിനു സെക്രട്ടറിയേറ്റില്‍ യോഗം ചേരുന്നുണ്ട്.