തിരുവാഭരണ ഘോഷയാത്രയ്ത്ത് സായുധ പോലീസ് സുരക്ഷ വേണമെന്ന് സര്‍ക്കാര്‍

ശബരിമല തിരുവാഭരണ ഘോഷയാത്രയ്ക്ക് സായുധ പോലീസ് സുരക്ഷ ഒരുക്കുമെന്ന് സർക്കാർ ഹൈക്കോടതിയിൽ. സ്ത്രീ പ്രവേശനവുമായി ബന്ധപ്പെട്ടുണ്ടായ അക്രമ സംഭവങ്ങളുടെ പശ്ചാത്തലത്തിൽ തിരുവാഭരണ ഘോഷയാത്രയ്ക്ക് സുരക്ഷ വേണമെന്നാവശ്യപ്പെട്ട് പന്തളം കൊട്ടാരം മാനേജ്മെന്‍റ് കമ്മിറ്റി നൽകിയ ഹർജിയിലാണ് സർക്കാർ സത്യവാങ്മൂലം.
തിരുവാഭരണ സംഘത്തെ അനുഗമിക്കുന്ന രാജ പ്രതിനിധിയ്ക്കും സുരക്ഷയുണ്ടാകുമെന്നും ഇതിനായി ഡിവൈസ്പിമാരടങ്ങുന്ന ഉദ്യോഗസ്ഥരെ നിശ്ചയിച്ചതായും ഹൈക്കോടതിയെ അറിയിച്ചു.ഘോഷയാത്രയെ പ്രത്യേക പരിശീലനം ലഭിച്ച 150 പേർ അനുഗമിക്കുമെന്ന് ദേവസ്വം ബോ‍ർഡും കോടതിയെ അറിയിച്ചു. സർക്കാർ ഉറപ്പിന്‍റെ അടിസ്ഥാനത്തിൽ ഹർജി കോടതി തീർപ്പാക്കി.