പ്രതിഷേധം ശക്തമായി; ഹിന്ദുക്കളെ ഗോമൂത്രം കുടിക്കുന്നവര്‍ എന്ന് വിശേഷിപ്പിച്ച പാക് മന്ത്രി രാജിവെച്ചു

ഹിന്ദുക്കളെ ഗോമൂത്രം കുടിക്കുന്നവര്‍ എന്നു വിശേഷിപ്പിച്ച തെഹ്‌രീക് ഇ ഇന്‍സാഫ് നേതാവും പഞ്ചാബ് സാംസ്‌കാരിക മന്ത്രിയുമായ ഫയാസുല്‍ ഹസന്‍ ചൗഹാന്‍ രാജിവെച്ചു. ഫയാസുല്‍ ഹസന്റെ പ്രസ്താവന വിവാദമായ സാഹചര്യത്തിലാണ് രാജി. മുഖ്യമന്ത്രി ഉസ്മാന്‍ ബുസ്ദാറിന് ഫായാസുല്‍ രാജി സമര്‍പ്പിക്കുകയായിരുന്നുവെന്ന് ഡോ. ഷഹബാസ് ഗില്‍ പറഞ്ഞു.

Read more: ഹിന്ദുക്കളെ ഗോമൂത്രം കുടിക്കുന്നവര്‍ എന്ന് വിശേഷിപ്പിച്ച് പാക്കിസ്ഥാന്‍ മന്ത്രി; പ്രതിഷേധം

അതേസമയം, ഫയാസുലിനെ പുറത്താക്കിയതാണെന്ന് തെഹ്‌രീക് ഇ ഇന്‍സാഫ് പാര്‍ട്ടി ട്വീറ്റ് ചെയ്തു. മറ്റുള്ളവരുടെ വിശ്വാസങ്ങളെ ആക്ഷേപിക്കാന്‍ ആര്‍ക്കും അവകാശമില്ലെന്നും സഹിഷ്ണുതയാണ് പാക്കിസ്ഥാന്റെ അടിത്തറയെന്നും പാര്‍ട്ടി ട്വിറ്ററില്‍ വ്യക്തമാക്കി.

PTI Punjab government has removed Fayyaz Chohan from the post of Punjab Information Minister following derogatory remarks about the Hindu community. Bashing someone’s faith should not b a part of any narrative.Tolerance is the first & foremost pillar on which #Pakistan was built. pic.twitter.com/uKJiReWc26

— PTI (@PTIofficial) March 5, 2019

പുല്‍വാമ ഭീകരാക്രമണത്തിന്റെ പശ്ചാത്തലത്തില്‍ ഇന്ത്യയ്ക്കും പാക്കിസ്ഥാനും ഇടയില്‍ പ്രശ്‌നങ്ങള്‍ ഉടലെടുത്ത സാഹചര്യത്തില്‍ വാര്‍ത്താസമ്മേളനത്തിനിടെയാണ് ഫയാസുല്‍ ഹിന്ദുക്കളെ ഗോമൂത്രം കുടിക്കുന്നവര്‍ എന്നു വിശേഷിപ്പിച്ചത്. ഫയാസുലിന്റെ പ്രസ്താവന വിവാദമായ പശ്ചാത്തലത്തില്‍ പാര്‍ട്ടിക്കുള്ളില്‍ തന്നെ വിമര്‍ശനം ഉയര്‍ന്നിരുന്നു. തങ്ങള്‍ മുസ്‌ലീങ്ങളാണെന്നും തങ്ങള്‍ക്കൊരു കൊടിയുണ്ടെന്നും എന്നാല്‍ ഹിന്ദുക്കള്‍ക്ക് പറയാന്‍ അങ്ങനെ ഒരു കൊടിയില്ലെന്നും ഫയാസുല്‍ പറഞ്ഞിരുന്നു. തങ്ങളേക്കാള്‍ ഏഴുമടങ്ങ് കരുത്തരാണ് ഹിന്ദുക്കളെന്ന മിഥ്യാധാരണയോടെ പ്രവര്‍ത്തിക്കേണ്ട. തങ്ങള്‍ക്കുള്ളതൊന്നും ഹിന്ദുക്കള്‍ക്കില്ല. ഹിന്ദുക്കള്‍ വിഗ്രഹാരാധകരാണെന്നും ഫയാസുല്‍ പറഞ്ഞിരുന്നു.