ലോകകപ്പ് ഫൈനൽ; ന്യൂസിലൻഡിനു ബാറ്റിംഗ്

ആതിഥേയരായ ഇംഗ്ലണ്ടും ന്യൂസിലൻഡും തമ്മിലുള്ള ലോകകപ്പ് ഫൈനൽ മത്സരത്തിൽ ന്യൂസിലൻഡിനു ബാറ്റിംഗ്. ടോസ് നേടിയ ന്യൂസിലൻഡ് ക്യാപ്റ്റൻ കെയിൻ വില്ല്യംസൺ ബാറ്റിംഗ് തിരഞ്ഞെടുക്കുകയായിരുന്നു. ഇരു ടീമുകളും സെമിഫൈനലിൽ കളിച്ച അതേ ടീമിനെ നിലനിർത്തിയിരിക്കുകയാണ്.

ക്രിക്കറ്റ് ലോകകപ്പിൻ്റെ ചരിത്രത്തിൽ രണ്ടാം തവണയാണ് ഇരു ടീമുകളും ഫൈനലിൽ പ്രവേശിക്കുന്നത്. ഇംഗ്ലണ്ട് 1979 ലോകകപ്പിലും ന്യൂസിലൻഡ് 2015ലുമാണ് ഫൈനൽ കളിച്ചത്. രണ്ട് ടീമുകളും മത്സരം പരാജയപ്പെട്ടിരുന്നു. അതുകൊണ്ട് തന്നെ ആരു ജയിച്ചാലും അവർക്കിത് ആദ്യ ലോകകപ്പ് കിരീടമായിരിക്കും.

രാവിലെ പെയ്ത മഴയിൽ ഔട്ട്ഫീൽഡ് നനഞ്ഞു കിടന്നതിനാൽ 15 മിനിട്ട് വൈകിയാണ് ടോസ് നടന്നത്.