ഒഡീഷയിൽ നിന്ന് ട്രെയിനിലെത്തിച്ച 13 കിലോ കഞ്ചാവ് കൊച്ചിയിൽ പിടികൂടി

ഒഡീഷയിൽ നിന്ന് ട്രെയിൻ മാർഗം കൊച്ചിയിലേക്ക് വിൽപനയ്‌ക്കെത്തിച്ച 13 കിലോ കഞ്ചാവ് പിടികൂടി. സംഭവത്തിൽ രണ്ട് ഒഡീഷ സ്വദേശികളെ എളമക്കര പൊലീസ് അറസ്റ്റ് ചെയ്തിട്ടുണ്ട്. ഇടപ്പള്ളി റെയിൽവെ സ്റ്റേഷന് സമീപത്തു നിന്നാണ് കഞ്ചാവുമായി ഇരുവരെയും പിടികൂടിയത്. കൊച്ചിയിൽ ചില്ലറ വിൽപനക്കാർക്ക് നൽകാനാണ് കഞ്ചാവ് എത്തിച്ചതെന്ന് പ്രതികൾ സമ്മതിച്ചു. തൃക്കാക്കര അസിസ്റ്റന്റ് കമ്മീഷണർ ആർ.വിശ്വനാഥിന്റെ നേത്യത്വത്തിലുള്ള സ്‌ക്വാഡും എളമക്കര പൊലീസും ചേർന്നാണ് പ്രതികളെ പിടികൂടിയത്.