ചൈന ഓപ്പണ്‍: സിന്ധു രണ്ടാം റൗണ്ടിൽ പുറത്ത്

P.V Sindhu

ലോക ചാമ്പ്യൻ പി.വി.സിന്ധു ചൈന ഓപ്പണ്‍ ബാഡ്മിന്‍റണ്‍ ടൂർണമെന്‍റിൽ നിന്നും പുറത്തായി. തായ്‌ലൻഡിന്‍റെ പോണ്‍പാവെ ചോചുവോംഗിനോടാണ് ലോക ചാമ്പ്യൻ രണ്ടാം റൗണ്ടിൽ അടിയറവ് പറഞ്ഞത്. ആദ്യ ഗെയിം നേടിയ ശേഷമായിരുന്നു സിന്ധുവിന്‍റെ തോൽവി. സ്കോർ: 21-12, 13-21, 19-21.

ആദ്യ ഗെയിമിൽ മികച്ച കളി പുറത്തെടുത്ത സിന്ധുവിന് രണ്ടും മൂന്നും ഗെയിമുകളിൽ കാലിടറി. അവസാന ഗെയിമിൽ മികച്ച പോരാട്ടം കാഴ്ചവച്ചെങ്കിലും ജയം തായ്‌ലൻഡ് താരത്തിനൊപ്പം നിന്നു.

ഇതോടെ ചൈന ഓപ്പണ്‍ വനിതാ വിഭാഗത്തിൽ ഇന്ത്യയുടെ പ്രാതിനിധ്യം അവസാനിച്ചു. നേരത്തെ സൈന നെഹ്‌വാൾ ആദ്യ റൗണ്ടിൽ തന്നെ തോറ്റു പുറത്തായിരുന്നു.


‘24’ ഇപ്പോള്‍ ടെലിഗ്രാമിലും ലഭ്യമാണ്
വാര്‍ത്തകള്‍ക്കും പുതിയ അപ്‌ഡേറ്റുകള്‍ക്കുമായി ‘ടെലിഗ്രാം ചാനല്‍’ സബ്‌സ്‌ക്രൈബ് ചെയ്യുക.
Join us on Telegram
Top