ശബരിമല വിധി; പന്തളത്ത് നാമജപം തുടങ്ങി

ശബരിമല പുനപരിശോധനാ ഹര്‍ജികളില്‍ സുപ്രിംകോടതി ഭരണഘടനാ ബെഞ്ച് വിധി പറയാനിരിക്കെ പന്തളത്ത് നാമജപം തുടങ്ങി. പൊലീസ് കര്‍ശന നിര്‍ദേശങ്ങള്‍ നല്‍കിയിട്ടുണ്ട്. ശബരിമല പുനപരിശോധനാ ഹര്‍ജികളില്‍ വിധി പ്രസ്താവിക്കാനുള്ള നടപടി ക്രമങ്ങള്‍ സുപ്രിംകോടതിയില്‍ ആരംഭിച്ചു. പുനപരിശോധനാ ഹര്‍ജികള്‍ വിശാല ബെഞ്ചിന് വിടാനാണ് ആദ്യ തിരുമാനം.

അന്‍പത്തിയാറ് പുനഃപരിശോധനാ ഹര്‍ജികള്‍ അടക്കം അറുപത് ഹര്‍ജികളാണ് അഞ്ചംഗ ഭരണഘടനാ ബെഞ്ചില്‍ ലിസ്റ്റ് ചെയ്തിരിക്കുന്നത്. ചീഫ് ജസ്റ്റിസ് രഞ്ജന്‍ ഗൊഗോയ്ക്ക് പുറമെ ജസ്റ്റിസുമാരായ ആര്‍.എഫ്. നരിമാന്‍, എ.എം. ഖാന്‍വില്‍ക്കര്‍, ഡി.വൈ. ചന്ദ്രചൂഡ്, ഇന്ദു മല്‍ഹോത്ര എന്നിവരാണ് ബെഞ്ചിലുള്ളത്.