ഇന്നത്തെ പ്രധാന വാർത്തകൾ (06-07-2020)
1 minute Read
കൊവിഡ് കണക്കുകളിൽ റഷ്യയെ മറികടന്ന് ഇന്ത്യ
കൊവിഡ് കണക്കുകളിൽ റഷ്യയെ മറികടന്ന് ഇന്ത്യ. 24 മണിക്കൂറിനിടെ 24,248 പേർക്ക് രോഗം സ്ഥിരീകരിച്ചു. 425 മരണവും റിപ്പോർട്ട് ചെയ്തു. ഒടുവിലത്തെ കണക്ക് പ്രകാരം റഷ്യയിലെ കൊവിഡ് കേസുകൾ 681,251 ആണ്. ഇന്ന് സ്ഥിരീകരിച്ച രോഗികളുടെ എണ്ണം കൂടി കണക്കിലെടുത്തതോടെ രാജ്യത്തെ കൊവിഡ് സ്ഥിരീകരിച്ചവരുടെ ആകെ എണ്ണം 697,413 ആയി.
തിരുവനന്തപുരം കോൺസുലേറ്റ് സ്വർണക്കടത്ത്; മുഖ്യ ആസൂത്രക ഐ.ടി വകുപ്പിലെ ഉദ്യോഗസ്ഥ
തിരുവനന്തപുരം കോൺസുലേറ്റ് സ്വർണക്കത്ത് അന്വേഷണം മേൽത്തട്ടിലേക്ക്. സ്വർണക്കടത്തിന്റെ മുഖ്യ ആസൂത്രക ഐ.ടി വകുപ്പിലെ ഉദ്യോഗസ്ഥ സ്വപ്‌ന സുരേഷാണെന്ന വിവരം പുറത്തുവന്നു. നിലവിൽ ഐടി വകുപ്പിന് കീഴിലുള്ള കേരള സ്റ്റേറ്റ് ഇൻഫർമേഷൻ ടെക്‌നോളജി ആന്റ് ഇൻഫ്രാസ്ട്രക്ചറിൽ ഓപ്പറേഷൻസ് മാനേജറാണ്. ഇവർ മുൻപ് യുഎഇ കോൺസുലേറ്റുമായി ബന്ധപ്പെട്ട് പ്രവർത്തിച്ചിരുന്നു. ഇവർ ഒളിവിലാണെന്നാണ് വിവരം.
രുവനന്തപുരത്ത് അപകടകരമായ സൂചനകളുണ്ടെന്ന് മേയർ കെ.ശ്രീകുമാർ. നഗരവാസികൾ ട്രിപ്പിൾ ലോക്ക് ഡൗണുമായി സഹകരിക്കണമെന്ന് അദ്ദേഹം പറഞ്ഞു. ഇടപെടേണ്ട സമയത്ത് തന്നെ ജില്ലാ ഭരണകൂടം ഇടപെട്ടിട്ടുണ്ടെന്നും അദ്ദേഹം കൂട്ടിച്ചേർത്തു. തമിഴ്‌നാടുമായി അതിർത്തി പങ്കിടുന്ന ജില്ലയെന്ന കാര്യം പ്രത്യേകം ശ്രദ്ധിക്കേണ്ടതുണ്ട്. ഉറവിടമറിയാത്ത 20 ലധികം കേസുകൾ തിരുവനന്തപുരം നഗരത്തിലുണ്ട്. ജനങ്ങൾ ജാഗ്രതക്കുറവ് കാണിക്കുന്നുണ്ടെന്നും അത് പാടില്ലെന്നും അദ്ദേഹം പറഞ്ഞു.
എറണാകുളത്ത് ഏത് നിമിഷവും ട്രിപ്പിൾ ലോക്ക്ഡൗൺ വരാം: മന്ത്രി വിഎസ് സുനിൽകുമാർ
എറണാകുളത്ത് ആശങ്ക ഒഴിഞ്ഞിട്ടില്ലെന്ന് മന്ത്രി വിഎസ് സുനിൽ കുമാർ. ഏത് നിമിഷവും ട്രിപ്പിൾ ലോക്ക്ഡൗൺ പ്രഖ്യാപിച്ചേക്കാമെന്ന് മന്ത്രി ട്വന്റിഫോറിനോട് പ്രതികരിച്ചു. നിലവിൽ അതിനെ കുറിച്ച് ചിന്തിക്കുന്നില്ലെന്നും എന്നാൽ ഏത് നിമിഷവും വരാൻ സാധ്യതയുണ്ടെന്നും മന്ത്രി പറഞ്ഞു.
ഇരു മുന്നണിയിലേക്കുമില്ല; സ്വതന്ത്രമായി നിൽക്കുമെന്ന് ജോസ് കെ മാണി
മുന്നണി പ്രവേശനവുമായി ബന്ധപ്പെട്ട വിവാദങ്ങളിൽ പ്രതികരിച്ച് ജോസ് കെ മാണി. ഒരു മുന്നണിയിലേക്കും പോകുന്നത് സംബന്ധിച്ച് തീരുമാനിച്ചിട്ടില്ലെന്നും ഇത് സംബന്ധിച്ച് ചർച്ച നടത്തിയിട്ടില്ലെന്നും ജോസ് കെ മാണി മാധ്യമങ്ങളോട് പറഞ്ഞു.
Story Highlights- todays news headlines july 06
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
English