Advertisement

ഇന്നത്തെ പ്രധാനവാർത്തകൾ (15/08/2020)

August 15, 2020
Google News 1 minute Read

ഓണത്തോടനുബന്ധിച്ച് അന്തർ സംസ്ഥാന കെഎസ്ആർടിസി ബസ് സർവീസ് പുനഃരാരംഭിക്കാൻ ആലോചന

അന്തർ സംസ്ഥാന കെഎസ്ആർടിസി ബസ് സർവീസ് ആരംഭിക്കാൻ ആലോചന. ഇക്കാര്യത്തിൽ സർക്കാർ തീരുമാനം ഉടൻ ഉണ്ടായേക്കും. ഓണക്കാലത്ത് ബംഗളൂരു- മൈസൂർ എന്നിവിടങ്ങളിൽ നിന്ന് കെഎസ്ആർടിസി സർവീസുകൾ തുടങ്ങാനാണ് ആലോചന.

കോഴിക്കോട് സ്വദേശിനി കൊവിഡ് ബാധിച്ച് മരിച്ചു; ഇന്ന് റിപ്പോർട്ട് ചെയ്തത് നാല് കൊവിഡ് മരണം

കേരളത്തിൽ മറ്റൊരു മരണം കൂടി. കോഴിക്കോട് ഫറൂഖ് സ്വദേശിനി രാജലക്ഷ്മിയാണ് മരിച്ചത്. 61 വയസായിരുന്നു. ഇവരുടെ രോഗത്തിന്റെ ഉറവിടം വ്യക്തമല്ലെന്ന് കൊവിഡ് നോഡൽ ഓഫീസർ വ്യക്തമാക്കി.

ശിവശങ്കറിനെ വീണ്ടും ചോദ്യം ചെയ്യാൻ എൻഫോഴ്‌സ്‌മെന്റ് ഡയറക്ടറേറ്റ്

മുഖ്യമന്ത്രിയുടെ മുൻ പ്രിൻസിപ്പൽ സെക്രട്ടറി എം.ശിവശങ്കറിനെ വീണ്ടും ചോദ്യം ചെയ്യാൻ എൻഫോഴ്‌സ്‌മെന്റ് ഡയറക്ടറേറ്റ്. രണ്ടാം തവണയാണ് എൻഫോഴ്‌സ്‌മെന്റ് ശിവങ്കറിനെ ചോദ്യം ചെയ്യുന്നത്.

ദുബായിൽ സ്വപ്‌നയുമായി ശിവശങ്കറിന്റെ കൂടിക്കാഴ്ച; വിശദമായി ചോദ്യം ചെയ്യാൻ എൻഐഎ

തിരുവനന്തപുരം സ്വർണക്കടത്ത് കേസിൽ മുഖ്യമന്ത്രിയുടെ മുൻ പ്രിൻസിപ്പൽ സെക്രട്ടറി എം. ശിവശങ്കറെ വീണ്ടും ചോദ്യം ചെയ്യാൻ എൻഐഎ. യുഎഇയിൽ ഫൈസൽ ഫരീദിനെ ചോദ്യം ചെയ്തതിന് പിന്നാലെയാണ് നടപടി.

വിജിലൻസ് അന്വേഷണം തള്ളിയത് അഴിമതി മറച്ചുവയ്ക്കാൻ; പമ്പാ ത്രിവേണി മണൽക്കടത്ത് കേസിൽ കോടതിയെ സമീപിക്കുമെന്ന് രമേശ് ചെന്നിത്തല

പമ്പാ ത്രിവേണി മണൽക്കടത്ത് കേസിൽ കോടതിയെ സമീപിക്കുമെന്ന് പ്രതിപക്ഷ നേതാവ് രമേശ് ചെന്നിത്തല. വിജിലൻസ് അന്വേഷണം വേണമെന്ന ആവശ്യം സർക്കാർ തളളിയതിന് പിന്നാലെയാണ് പുതിയ നീക്കം.

Story Highlights News round up

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement

ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here