ഇന്ന് തൃശൂരിൽ 2871 പേർക്ക് കൊവിഡ്

2871 covid cases thrissur

തൃശൂർ ജില്ലയിൽ ഞായറാഴ്ച 2871 പേർക്ക് കൂടി കൊവിഡ് സ്ഥിരീകരിച്ചു. 769 പേർ രോഗമുക്തരായി. ജില്ലയിൽ രോഗബാധിതരായി ചികിത്സയിൽ കഴിയുന്നവരുടെ എണ്ണം 19,458 ആണ്. തൃശൂർ സ്വദേശികളായ 114 പേർ മറ്റു ജില്ലകളിൽ ചികിത്സയിൽ കഴിയുന്നു. ജില്ലയിൽ ഇതുവരെ കൊവിഡ് സ്ഥിരീകരിച്ചവരുടെ എണ്ണം 1,30,138 ആണ്. 1,10,016 പേരെയാണ് ആകെ രോഗമുക്തരായി ഡിസ്ചാർജ്ജ് ചെയ്തത്. ഇന്നത്തെ ടെസ്റ്റ് പോസിറ്റിവിറ്റി റേറ്റ് 25.43% ആണ്.

ജില്ലയിൽ ഞായറാഴ്ച സമ്പർക്കം വഴി 2847 പേർക്കാണ് രോഗം സ്ഥിരീകരിച്ചത്. കൂടാതെ സംസ്ഥാനത്തിന് പുറത്തുനിന്ന് എത്തിയ 11 പേർക്കും, 8 ആരോഗ്യ പ്രവർത്തകർക്കും, ഉറവിടം അറിയാത്ത 5 പേർക്കും രോഗബാധ ഉണ്ടായിട്ടുണ്ട്. രോഗബാധിതരിൽ 60 വയസ്സിനു മുകളിൽ പ്രായമുള്ള165 പുരുഷൻമാരും 166 സ്ത്രീകളും, പത്ത് വയസ്സിനു താഴെ 105 ആൺകുട്ടികളും 85 പെൺകുട്ടികളുമുണ്ട്. 2583 പേർ പുതിയതായി ചികിത്സയിൽ പ്രവേശിച്ചതിൽ 316 പേർ ആശുപത്രിയിലും 2267 പേർ വീടുകളിലുമാണ്.

11,292 സാമ്പിളുകളാണ് ഇന്ന് പരിശോധനയ്ക്ക് എടുത്തത്. ഇതിൽ 5480 പേർക്ക് ആൻറിജൻ പരിശോധനയും, 5561 പേർക്ക് ആർടി-പിസിആർ പരിശോധനയും, 251 പേർക്ക് ട്രുനാറ്റ്/സിബിനാറ്റ് പരിശോധനയുമാണ് നടത്തിയത്. ജില്ലയിൽ ഇതുവരെ ആകെ 13,27,340 സാമ്പിളുകളാണ് പരിശോധനയ്ക്ക് അയച്ചത്.

703 ഫോൺ വിളികളാണ് ജില്ലാ കൺട്രോൾ സെല്ലില്ലേക്ക് വന്നത്. ഇതുവരെ ആകെ 1,74,518 ഫോൺ വിളികളാണ് ജില്ലാ കൺട്രോൾ സെല്ലില്ലേക്ക് വന്നിട്ടുളളത്. 63 പേർക്ക് സൈക്കോ സോഷ്യൽ കൗൺസിലർമാർ വഴി കൗൺസിലിംഗ് നൽകി.

Story highlights: 2871 covid cases in thrissur today

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top