ആദ്യം അന്വേഷിച്ച സമിതിയുടെ റിപ്പോര്ട്ടില് കൂടുതല് വ്യക്തത വരുത്താന് വിശദമായ ശാസ്ത്രീയ അന്വേഷണം: വീണാ ജോര്ജ്
കോഴിക്കോട് മെഡിക്കല് കോളജില് 5 വര്ഷം മുമ്പ് ശസ്ത്രക്രിയയ്ക്കിടെ കത്രിക കുടുങ്ങിയെന്ന പരാതിയിന്മേല് ആദ്യം അന്വേഷിച്ച സമിതി സമര്പ്പിച്ച റിപ്പോര്ട്ടില് കൂടുതല് വ്യക്തത വരുത്താന് വിശദമായ ശാസ്ത്രീയ അന്വേഷണം നടത്താന് അഡീഷണല് ചീഫ് സെക്രട്ടറിയെ ഇതിനകം ചുമതലപ്പെടുത്തിയതായി ആരോഗ്യ വകുപ്പ് മന്ത്രി വീണാ ജോര്ജ്. ഇതുവരെയുള്ള നടപടികള് സ്വീകരിച്ചത് ശസ്ത്രക്രിയയ്ക്ക് വിധേയമായ സ്ത്രീയുടെ പക്ഷത്തു നിന്നു തന്നെയാണ്.
മെഡിക്കല് വിദ്യാഭ്യാസ ഡയറക്ടറേറ്റ് സ്പെഷ്യല് ഓഫീസര് കോര്ഡിനേറ്ററായ അന്വേഷണ സംഘം നേരത്തെ അന്വേഷണം നടത്തി റിപ്പോര്ട്ട് നല്കിയിരുന്നു. എന്നാല് സംഭവത്തെപ്പറ്റി കൂടുതല് അന്വേഷിക്കണമെന്ന് കണ്ടെത്തിയതിനെ തുടര്ന്നാണ് നടപടിയെന്നും മന്ത്രി പറഞ്ഞു.
Read Also: ശസ്ത്രക്രിയയ്ക്കിടെ വയറ്റിൽ കത്രിക കുടുങ്ങിയ സംഭവം; വകുപ്പുതല അന്വേഷണം എങ്ങുമെത്തിയില്ല, ആരോഗ്യമന്ത്രിക്കെതിരെ ഹർഷിന
ഇതിനിടെ ആരോഗ്യമന്ത്രി വീണ ജോർജിനെതിരെ പരാതിക്കാരി ഹർഷിന ഗുരുതര ആരോപണങ്ങൾ ഉന്നയിച്ചു. പല തവണ മന്ത്രിയുമായി ഫോണിൽ സംസാരിക്കാൻ ശ്രമിച്ചെങ്കിലും അതിന് ആയില്ലെന്നും ഹർഷീന പറഞ്ഞു. വീണ്ടും ശാരീരിക പ്രശ്നങ്ങൾ വന്നതോടെ ഹർഷിന കോഴിക്കോട് മെഡിക്കൽ കോളേജിൽ ചികിത്സ തേടിയിരിക്കുകയാണ്. ആശുപത്രിയിൽ തന്നെ സമരം ചെയ്യാനാണ് ഹർഷിനയുടെ തീരുമാനം. അന്വേഷണത്തിൽ നടപടി ആകാതെ ആശുപത്രിയിൽ നിന്ന് ഡിസ്ചാർജ് ചെയ്താലും പോകില്ലെന്ന് ഹർഷിന ട്വന്റി ഫോർ ന്യൂസിനോട് പറഞ്ഞു.
Story Highlights: Veena George On Surgical Instrument Stuck In Stomach
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here