25 ലക്ഷം രൂപയുടെ തട്ടിപ്പ്: കോൺഗ്രസ് പഞ്ചായത്ത് പ്രസിഡൻറ് അറസ്റ്റിൽ

തട്ടിപ്പ് കേസിൽ കോൺഗ്രസ് പഞ്ചായത്ത് പ്രസിഡൻറ് അറസ്റ്റിൽ. നിരണം പഞ്ചായത്ത് പ്രസിഡൻറ് കെ.പി പുന്നൂസിനെയാണ് കോട്ടയം ഈസ്റ്റ് പൊലീസ് അറസ്റ്റ് ചെയ്തത്. മെഡിക്കൽ കോളജിൽ സീറ്റ് വാഗ്ദാനം ചെയ്ത് 25 ലക്ഷം രൂപ തട്ടിയെടുത്തെന്നാണ് പരാതി. പഞ്ചായത്ത് പ്രസിഡന്റിനെ കോടതി 14 ദിവസത്തേക്ക് റിമാൻഡ് ചെയ്തു.

കോട്ടയം പുതുപ്പള്ളി സ്വദേശിയുടെ പരാതിയിലാണ് പൊലീസ് നടപടി. തിരുവല്ല ബിലീവേഴ്‌സ് മെഡിക്കൽ കോളജ് ആശുപത്രിയിൽ എംബിബിഎസ് സീറ്റ് നൽകാമെന്ന് വാഗ്ദാനം ചെയ്ത് 25 ലക്ഷം രൂപ തട്ടിയെടുത്തെന്നാണ് കേസ്. കോട്ടയം ജുഡീഷ്യൽ ഫസ്റ്റ് ക്ലാസ് മജിസ്‌ട്രേറ്റ് കോടതി പ്രതിയെ 14 ദിവസത്തേക്ക് റിമാൻഡ് ചെയ്തു.

Story Highlights: Congress panchayat president arrested in kottayam