കാസർഗോട്ടുകാർക്കിഷ്ടം രാഹുൽ ഗാന്ധിയെ; പക്ഷേ കേരളത്തിൽ മത്സരിക്കുന്നത് UDFന് ഗുണമാകില്ലെന്ന് ഉത്തരം | 24 Survey

കാസർഗോട്ടെ ഇഷ്ട ദേശീയ നേതാവ് രാഹുൽ ഗാന്ധി. ട്വന്റിഫോർ ലോക്‌സഭാ മൂഡ് ട്രാക്കർ സർവേയിലാണ് 45% കാസർഗോഡുകാരും ദേശീയ തലത്തിൽ രാഹുൽ ഗാന്ധിയെയാണ് പിന്തുണയ്ക്കുന്നതെന്ന് അഭിപ്രായപ്പെട്ടത്. 27% പേർ മാത്രമാണ് നരേന്ദ്ര മോദിയെന്ന് ഉത്തരം പറഞ്ഞത്. അരവിന്ദ് കേജ്രിവാളെന്ന് 5% പേരും നിതീഷ്‌കുമാറെന്ന് 2% പേരും ഉത്തരം നൽകി. 21% പേർ അഭിപ്രായമൊന്നും പറഞ്ഞില്ല.

രാഹുൽ ഗാന്ധി കേരളത്തിൽ മത്സരിക്കുന്നത് എന്നാൽ യുഡിഎഫിന് ഗുണം ചെയ്യില്ലെന്നാണ് 50% പേരും ഉത്തരം നൽകിയത്. 38% പേർ ഗുണം ചെയ്യുമെന്ന് പറഞ്ഞപ്പോൾ 12% പേർ അഭിപ്രായമൊന്നും രേഖപ്പെടുത്തിയില്ല.

ദേശീയതലത്തിൽ ബിജെപിക്ക് ബദലാകാൻ ഇന്ത്യ സഖ്യത്തിന് കഴിയുമോ എന്ന ചോദ്യത്തിന് ഇല്ലെന്ന് 28% പേരാണ് ഉത്തരം നൽകിയത്. കഴിയുമെന്ന് 15% പേർ മാത്രമാണ് ഉത്തരം നൽകിയത്. 57% പേരും അഭിപ്രായമില്ലെന്നാണ് രേഖപ്പെടുത്തിയത്.

Story Highlights: kasaragod rahul gandhi udf 24 survey