പശുക്കടത്ത് ആരോപിച്ച് രാജസ്ഥാനിൽ യുവാവിനെ പോലീസ് വെടിവെച്ച് കൊന്നു

രാജസ്ഥാനിലെ അൽവാറിൽ പശുക്കടത്ത് ആരോപിച്ച് ഒരാളെ പോലീസ് വെടിവെച്ചുകൊന്നു.

വാഹനത്തിൽ പശുവിനെ കൊണ്ടു പോവുകയായിരുന്ന അഞ്ചംഗ സംഘത്തിന് നേരെ പൊലിസ് വെടിവെക്കുകയായിരുന്നു.അൽവാറിലെ ജനത കോളനിക്ക് സമീപമാണ് സംഭവം. കൊല്ലപ്പെട്ട യുവാവിന്റെ പേര് പുറത്ത് വിട്ടിട്ടില്ല.

നിയമവിരുദ്ധമായി പശുക്കളെ കടത്തിക്കൊണ്ട് പോകുന്നുവെന്ന് ആരോപിച്ചാണ് പോലീസ് യുവാക്കൾക്കു നേരെ വെടിവെച്ചത്. യുവാക്കൾ തങ്ങൾക്കു നേരെ വെടിയുതിർത്തതിനാലാണ് തിരിച്ച് വെടിവെച്ചതെന്നാണ് പോലീസ് ഭാഷ്യം.