ഫ്രഞ്ച് പരിസ്ഥിതി വകുപ്പ് മന്ത്രി രാജിവച്ചു

ഫ്രഞ്ച് പരിസ്ഥിതി വകുപ്പ് മന്ത്രി നികോളാസ് ഹ്യൂലോട് രാജി വെച്ചു. കാലാവസ്ഥാ വ്യതിയാനം ഉൾപ്പെടെയുള്ള പരിസ്ഥിതി പ്രശ്‌നങ്ങൾക്ക് മുൻഗണന നൽകുന്നതിലെ സർക്കാർ അനാസ്ഥയാണ് രാജിക്ക് കാരണമെന്ന് അദ്ദേഹം പറഞ്ഞു. പ്രസിഡന്റിനെ അറിയിക്കാതെ റേഡിയോയിലൂടെയായിരുന്നു നികോളാസ് ഹ്യൂലോടിന്റെ രാജി പ്രഖ്യാപനം.

കാലാവസ്ഥാ വ്യതിയാനം പരിഹരിക്കുന്നതിനും, ജൈവ വൈവിധ്യം സംരക്ഷിക്കുന്നതിനും മറ്റ് പാരിസ്ഥിതിക ഭീഷണികൾ പരിഹരിക്കുന്നതിനുമുള്ള നടപടികൾ അപര്യാപ്തമാണെന്നും അദ്ദേഹം പറഞ്ഞു.