അസമിൽ നിർത്തിയിട്ടിരുന്ന ട്രക്കുകൾ അഗ്​നിക്കിരയാക്കി ; അഞ്ചുമരണം

അസമിലെ ദിമ ഹസാവോ ജില്ലയിൽ കൽക്കരി ട്രക്കുകൾക്ക് തീവെച്ചു. സംഭവത്തിൽ അഞ്ചുപേർ കൊല്ലപ്പെട്ടു. ദിമാസ നാഷനൽ ലിബറേഷൻ ആർമിയുടെ നേതൃത്വത്തിലായിരുന്നു അക്രമം.

ദിയുൻമുഖ്​ പൊലീസ്​ സ്​റ്റേഷനിൽനിന്ന്​ അഞ്ച്​ കിലോമീറ്റർ അകലെ രങ്കേർബീൽ പ്രദേശത്താണ്​ സംഭവം. ഇവിടെ നിർത്തിയിട്ടിരുന്ന ട്രക്കുകളിലേക്ക് അക്രമികൾ നിറയൊഴിക്കുകയായിരുന്നു. രണ്ടു ട്രക്ക്​ ഡ്രൈവർമാർ വെടിയേറ്റ്​ മരിക്കുകയും ചെയ്തു. ട്രക്കുകൾ കത്തിച്ചതിന്‍റെ ഇടയിൽപ്പെട്ടാണ് മറ്റ് ​​ മൂന്നുമരണം സംഭവിച്ചത്.

Read Also : ഇന്ത്യക്കാരെ ബന്ദികളാക്കിയിട്ടില്ല ; വാർത്ത നിഷേധിച്ച് താലിബാൻ

അക്രമികൾക്കായി തിരച്ചിൽ ഊർജ്ജിതമാക്കിയതായി പൊലീസ്​ പറഞ്ഞു. പ്രദേശത്ത്​ നിരീക്ഷണം കടുപ്പിച്ചതായും പൊലീസ്​ വ്യക്തമാക്കി. അക്രമികൾ ത​ങ്ങളോട്​ പണം ആവശ്യപ്പെട്ടതായി ട്രക്ക്​ ഡ്രൈവർമാർ പൊലീസിനോട് പറഞ്ഞു. ​പൊലീസ്​ സുരക്ഷ ഉറപ്പാക്കണമെന്നും അവർ ആവശ്യപ്പെട്ടു.

Read Also : എല്ലാ സൈനിക വിഭാ​ഗങ്ങളിലും സ്ത്രീ പ്രാതിനിധ്യം ഉറപ്പാക്കും; സൈനിക് സ്കൂളിൽ പെൺകുട്ടികൾക്കും പ്രവേശനം : പ്രധാനമന്ത്രി

Story Highlight: Five truckers killed by militants in Assam’s Dima Hasao